ଆଠଗଡ : ରାଜ୍ୟ ସରକାର ରାଜ୍ୟର ସାମଗ୍ରିକ ବିକାଶ ସହିତ ସହରାଞ୍ଚଳରେ ବର୍ଦ୍ଧିତ ଜନସଂଖ୍ୟାକୁ ଦୃଷ୍ଟିରେ ରଖି ବ୍ୟାପକ ବିକାଶମୂଳକ କାର୍ଯ୍ୟ ପାଇଁ ପ୍ରାଧାନ୍ୟ ଦିଆଯାଉଛି । ଏହି ପରିପ୍ରେକ୍ଷୀରେ ଆଠଗଡ ସହରକୁ ସରସ ସୁନ୍ଦର ଓ ବିକଶିତ କରିବା ଲାଗି ବହୁ ପ୍ରକଳ୍ପ ହାତକୁ ନିଆଯାଇଛି ବୋଲି ସ୍ଥାନୀୟ ବିଧାୟକ ତଥା କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ପ୍ରକାଶ କରିଛନ୍ତି । ଆଠଗଡ ସହରର ୧୮ଟି ଯାକ ୱାର୍ଡର ରାସ୍ତାଘାଟର ଉନ୍ନତି ପାଇଁ ବିଶେଷ କରି ପିଚୁରାସ୍ତା କଡେ କଡେ ଥିବା ମାଟି ଉପରେ ପେଭର ବ୍ଲକ ପକାଇବା କାର୍ଯ୍ୟ ପାଇଁ ରାଜ୍ୟ ସରକାର ୫କୋଟି ୭୧ଲକ୍ଷ ୨୨୬୮୫ ଟଙ୍କା ମଞ୍ଜୁର କରିଛନ୍ତି ବୋଲି ମନ୍ତ୍ରୀ ଶ୍ରୀ ସ୍ୱାଇଁ ସୂଚନା ଦେଇଥିଲେ । ସେଥିମଧ୍ୟରୁ ଏନଏସିର ୱାର୍ଡ ନଂ୧, ୨, ୩, ୫, ୮, ୯, ୧୬ ଓ ୧୮ରେ ପ୍ରାୟ ଏକ କୋଟି ୯୧ ଲକ୍ଷ ୪୫ ହଜାର ୮୧୫ଟଙ୍କା ବ୍ୟୟରେ ରାସ୍ତାକଡରେ ପେଭର ବ୍ଲକ ବିଛାଇବା କାର୍ଯ୍ୟ ପାଇଁ ମନ୍ତ୍ରୀ ଶ୍ରୀ ସ୍ୱାଇଁ ଭିତ୍ତିପ୍ରସ୍ତର ସ୍ଥାପନ କରିଥିଲେ। ଆଠଗଡ ସହରକୁ ଏକ ସୁନ୍ଦର ସହର ଭାବେ ପରିଣତ କରିବା ପାଇଁ ସମସ୍ତଙ୍କର ସହଯୋଗ ଲୋଡା ବୋଲି ମନ୍ତ୍ରୀ ଶ୍ରୀ ସ୍ୱାଇଁ ମତବ୍ୟକ୍ତ କରିଥିଲେ । ଏହି ସବୁ କାର୍ଯ୍ୟକ୍ରମରେ ନଗରପାଳ ସସ୍ମିତା ରାଉତ ପୌରୋହିତ୍ୟ କରିଥିବା ବେଳେ ଉପ ନଗରପାଳ ବି. ଶୁଭ୍ରଶଙ୍କର ଜ୍ୟୋତି ଏବଂ ସମସ୍ତ କାଉନସିଲର ଉପସ୍ଥିତ ଥିଲେ।
Popular Categories
Previous article
Next article