ପୁରୀ ): ଶ୍ରୀମନ୍ଦିରର ତ୍ରିସ୍ତରୀୟ ସୁରକ୍ଷା ବଳୟ ଭେଦ କରି ଜଣେ ବିଦେଶୀ ମହିଳା ରବିବାର ଶ୍ରୀମନ୍ଦିର ଭିତରେ ପ୍ରବେଶ କରିଥିବା ଅଭିଯୋଗ ହୋଇଛି। ସିଂହଦ୍ୱାର ସମ୍ମୁଖ ବ୍ୟାରିକେଡ୍ ଦେଇ ଫେରୁଥିବାବେଳେ କେତେକ ସେବାୟତ ତାଙ୍କୁ ଚିହ୍ନଟ କରିଛନ୍ତି। ଚୁଡ଼ିଦାର ଓ ପଞ୍ଜାବୀ ପିନ୍ଧିଥିବା ବିଦେଶୀ ମହିଳା ଜଣେ ଇସ୍କନ ଭକ୍ତ। ହାତରେ ଖଜା ଥିବା ଏକ ପଲିଥିନ୍ ସେ ଧରିଥିବା ଦେଖିବାକୁ ମିଳିଛି।
ଏହି ଘଟଣା ସ୍ଥାନୀୟ ଅଧିବାସୀ ଏବଂ ସେବକଙ୍କୁ ଆଚମ୍ବିତ କରିଛି। ସୁରକ୍ଷା ବ୍ୟବସ୍ଥାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ବିଦେଶିନୀ ଜଣଙ୍କ ଶ୍ରୀମନ୍ଦିରରେ ପ୍ରବେଶ କରିଥିଲେ କି ନାହିଁ ସେ ସମ୍ପର୍କରେ କୌଣସି ନିର୍ଦିଷ୍ଟ ତଥ୍ୟ ମିଳିପାରି ନାହିଁ।
ଚାରିଗୋଟି ପ୍ରବେଶ ଦ୍ୱାରରେ ଲାଗିଥିବା ସିସିଟିଭି ଯାଞ୍ଚ୍ କରି ବିଦେଶିନୀଙ୍କୁ ଶ୍ରୀମନ୍ଦିରରେ ପ୍ରବେଶରେ ସହାୟତା କରିଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ସାଧାରଣରେ ମତ ପ୍ରକାଶ ପାଇଛି। ମନ୍ଦିର ପ୍ରଶାସନ କିମ୍ବା ପୁଲିସ ପକ୍ଷରୁ ଏ ସମ୍ପର୍କରେ ପ୍ରତିକ୍ରିୟା ଦିଆଯାଇ ନାହିଁ।
Comments are closed.