ଆଜିକାଲି ଅଧିକାଂଶ ଲୋକ ଗଣ୍ଠିବାତ ସମସ୍ୟା ଭୋଗୁଛନ୍ତି। ଆଶ୍ଚର୍ଯ୍ୟକର କଥା ହେଉଛି ଯୁବପିଢିଙ୍କୁ ମଧ୍ୟ ଏହି ରୋଗ କବଳିତ କରିଛି। ଶରୀରରେ ୟୁରିକ୍ ଏସିଡ଼୍ର ମାତ୍ରା ବଢିଲେ ଗଣ୍ଠିବାତ ସମସ୍ୟା ଦେଖା ଦେଇଥାଏ। ତେବେ ଆଜି ଆମେ ଆପଣଙ୍କୁ ଏପରି କିଛି ଖାଦ୍ୟ ବିଷୟରେ କହିବୁ ଯାହା ଆପଣଙ୍କୁ ଏହି ସମସ୍ୟାରୁ ମୁକ୍ତି ଦେବ। ଆସନ୍ତୁ ଜାଣିବା ସେ ବିଷୟରେ-
ମେଥି : ମେଥି ଗଛରେ ଔଷଧୀୟ ଗୁଣ ଭରି ରହିଛି। ତେଣୁ ପ୍ରଥମେ ମେଥିପତ୍ରକୁ ଦେଶୀ ଘିଅରେ ଭାଜି ଦିଅନ୍ତୁ। ତା’ ପରେ ଏହାକୁ ପେଷ୍ଟ କରି ସେଥିରେ ମିଶ୍ରି ମିଶାଇ ଏହାକୁ ଛୋଟ ଛୋଟ ଗୋଲ କରିଦିଅନ୍ତୁ। ଏହାକୁ ପ୍ରତିଦିନ ସକାଳ ଓ ସନ୍ଧ୍ୟାରେ ଖାଆନ୍ତୁ।
ରସୁଣ : ରସୁଣର ବ୍ୟବହାର ଆୟୁର୍ବେଦିକ ଉପଚାର ପାଇଁ କରାଯାଏ। ପ୍ରତିଦିନ ଦୁଇ କୋଲା ରସୁଣକୁ ମହୁରେ ଭିଜାଇ ଖାଇବା ଦ୍ୱାରା ଏହି ସମସ୍ୟାରୁ ମୁକ୍ତି ମିଳିଥାଏ।
ପାଣି : ପାଣି ପିଇବା ସ୍ୱାସ୍ଥ୍ୟପାଇଁ ଉପକାରୀ ଆପଣ ଜାଣିଥିବେ। ଯଦି ଶରୀରରେ ୟୁରିକ ଏସିଡ ମାତ୍ରା ଅଧିକ ଥାଏ, ତେବେ ପ୍ରଚୁର ମାତ୍ରାରେ ପାଣି ପିଇବା ଉଚିତ। ଏହାଦ୍ୱାରା ପରିସ୍ରାରେ ୟୁରିକ ଏସିଡ ବାହାରିଯାଏ। ଯାହା କୋଷ୍ଠକାଠିନ୍ୟ ସମସ୍ୟା ମଧ୍ୟ ଦୂର କରେ।
ଲେମ୍ବୁ : ଆପଣ ଜାଣି ଆଶ୍ଚର୍ୟ୍ୟ ହେବେ କି ଲେମ୍ବୁ ରସ ଏହି ସମସ୍ୟାରୁ ଆପଣଙ୍କୁ ମୁକ୍ତି ଦେବ। ଦରଜ ହେଉଥିଲେ ଲେମ୍ବୁ ଖାଇବାକୁ ଅଧିକାଂଶ ଲୋକ ମନା କରନ୍ତି। କିନ୍ତୁ ଏହି ସମସ୍ୟାର ସମାଧାନ ପାଇଁ ଲେମ୍ବୁ ରସକୁ ପ୍ରଭାବିତ ଜାଗାରେ ମାଲିସକରିବା ଦ୍ୱାରା ଦରଜ ଏବଂ ଫୁଲାରୁ ମୁକ୍ତି ମିଳେ।
ଘିକୁଆଁରୀ : ପ୍ରାଚୀନ କାଳରେ ଘିକୁଆଁରୀ ବା ଏଲୋଭେରାର ପ୍ରୟୋଗ ଔଷଧ ଭାବେ କରାଯାଉଥିଲା। ଏହାର ଉପଯୋଗ କରିବା ପାଇଁ ପ୍ରଥମେ ଏଲୋଭେରା ଜେଲକୁ ବାହାର କରି ଦରଜ ହେଉଥିବା ଜାଗାରେ ଲଗାନ୍ତୁ। ଏହାକୁ ନିୟମିତ ଲଗାଇବା ଦ୍ୱାରା ଦରଜ ସମସ୍ୟା ଠିକ୍ ହୋଇଯାଏ।
