ଆବଶ୍ୟକ ସାମଗ୍ରୀ
କାଜୁ – ୧କପ
ବେସନ – ୨ କପ
ଚାଉଳ ଗୁଣ୍ଡ – ୧କପ
ଅଦା ରସୁଣ ବଟା – ୨ ଚାମଚ
କଟା ପୋଦିନା ପତ୍ର – ୧କପ
ଧନିଆ ପତ୍ର – ଅଳ୍ପ
ତେଲ – ଆବଶ୍ୟକ ଅନୁଯାୟୀ
ଲଙ୍କା ଗୁଣ୍ଡ – ଆବଶ୍ୟକ ଅନୁଯାୟୀ
ଲୁଣ – ଆବଶ୍ୟକ ଅନୁଯାୟୀ
ଟମାଟୋ ସସ୍ – ଆବଶ୍ୟକ ଅନୁଯାୟୀ
ପ୍ରସ୍ତୁତି ପ୍ରଣାଳୀ – ପ୍ରଥମେ ଏକ ପାତ୍ରରେ ବେସନ, ଚାଉଳ ଗୁଣ୍ଡ , ଅଦା ରସୁଣ ବଟା , ଲଙ୍କା ଗୁଣ୍ଡ , ଲୁଣ ଅଳ୍ପ ପାଣି ଦେଇ ଭଲ ଭାବେ ମିଶ୍ରଣ ପ୍ରସ୍ତୁତ କରନ୍ତୁ। ଏବେ ଗ୍ୟାସରେ କଡ଼େଇ ବସାଇ ତେଲ ଗରମ କରନ୍ତୁ। ତେଲ ଗରମ ହେବା ସମୟରେ ଏହି ମିଶ୍ରଣରେ ଏକ ଚାମଚ ତେଲ , ପୋଦିନା ପତ୍ର , ଧନିଆ ପତ୍ର , କାଜୁ ପକାଇ ଭଲ ଭାବେ ଚକଟି ଦିଅନ୍ତୁ। ଏବେ ଏହି ମିଶ୍ରଣକୁ ହାତରେ ଚାରି କଣିଆ କରି ଛୁରୀରେ କାଟି ଦିଅନ୍ତୁ ଓ କଡ଼େଇରେ ବସିଥିବା ତେଲରେ ଛାଣନ୍ତୁ। ଏହାକୁ ଭଲ ଭାବେ ଛାଣିବା ପରେ ଏକ ପାତ୍ରକୁ କାଢି ଟମାଟୋ ସସ୍ ସହ ଖାଆନ୍ତୁ ଓ ମଜା ନିଅନ୍ତୁ।
