ମୁମ୍ବଇ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଆସନ୍ତାକାଲି (ରବିବାର) ପ୍ରଥମ ଲତା-ଦୀନାନାଥ ମଙ୍ଗେସକର ପୁରସ୍କାର ପ୍ରଦାନ କରାଯିବ। ପ୍ରଖ୍ୟାତ ଗାୟିକା ଭାରତ ରତ୍ନ ଲତା ମଙ୍ଗେସକରଙ୍କ ସ୍ମୃତିରେ ଏହି ପୁରସ୍କାର ପ୍ରଦାନ କରାଯିବ। ଗତ ଫେବୃୟାରୀ ମାସରେ ଲତା ମଙ୍ଗେସକରଙ୍କ ପରଲୋକ ଘଟିଥିଲା। ଲତାଜୀଙ୍କ ସ୍ମୃତିରେ ଏହି ପୁରସ୍କାର ପ୍ରତିଷ୍ଠା କରାଯାଇଛି।
ପ୍ରତିବର୍ଷ ଜଣେ ବିଶିଷ୍ଟ ବ୍ୟକ୍ତିଙ୍କୁ ଏହି ପୁରସ୍କାର ପ୍ରଦାନ କରାଯିବ। ଦେଶ ଓ ଲୋକମାନଙ୍କ ପାଇଁ ଅସୀମ ଅବଦାନ ଥିବା ଜଣେ ବ୍ୟକ୍ତିଙ୍କୁ ଏହି ପୁରସ୍କାର ଦିଆଯିବ। ପୁରସ୍କାର ସଂପର୍କରେ ଘୋଷଣା କରି ଲତା-ଦୀନାନାଥ ମଙ୍ଗେସକର ସ୍ମୃତି ପ୍ରତିଷ୍ଠାନ କହିଛି ଯେ,ଶ୍ରୀ ମୋଦୀ ଜଣେ ଆନ୍ତର୍ଜାତିକ ସ୍ତରୀୟ ରାଜନେତା ତଥା କୂଟନୀତିଜ୍ଞ ଓ ସେ ଭାରତକୁ ବିଶ୍ୱରେ ନେତୃତ୍ୱ ନେବା ଭଳି ସ୍ଥାନରେ ପହଞ୍ଚାଇଛନ୍ତି ।
Comments are closed.