ନୂଆଦିଲ୍ଲୀ : ବିଶ୍ବର ପ୍ରଥମ ଏଆଇ ସଫ୍ଟଓ୍ବେୟାର ଇଞ୍ଜିନିୟରର ବଜାର ପ୍ରବେଶ କରାଯାଇଛି । ଏହି ଏଆଇ ଟୁଲ୍ ବହୁତ ସ୍ମାର୍ଟ ଏବଂ ଏହା କୋଡ୍ ଲେଖିପାରିବ । ଏହି ଓ୍ବେବସାଇଟ୍ ଏବଂ ସଫ୍ଟଓ୍ବେୟାର ପ୍ରସ୍ତୁତ କରିପାରିବ । ଏହାକୁ ଟେକ୍ କମ୍ପାନୀ କଗ୍ନିସନ୍ ପ୍ରସ୍ତୁତ କରିଛି ।
ଏହାକୁ ଡେଭିନ୍ ନାଁ ଦିଆଯାଇଛି । ଡେଭିନକୁ ଆପଣ ଯାହା କହିବ ସେ କରିବ । କଗ୍ନିସନ୍ କହିଛି କି ଭବିଷ୍ୟତରେ ଏହା ମଣିଷ ସମାଜ ସହିତ ଏକାଠି ଚାଲିବା ଉଦ୍ଦେଶ୍ୟ ନେଇ ଏହାକୁ ପ୍ରସ୍ତୁତ କରାଯାଇଛି । ମଣିଷଙ୍କ ଜୀବନକୁ ସହଜ କରିବା ପାଇଁ ଏହାକୁ ପ୍ରସ୍ତୁତ କରାଯାଇଛି ।
କଗ୍ନିସନ୍ ଏକ୍ସରେ ପୋଷ୍ଟ କରିଛି କି ‘ଆଜି ଆମେ ପ୍ରଥମେ ଏଆଇ ସଫ୍ଟଓ୍ବେୟାର ଇଞ୍ଜିନିୟର ଡେଭିନକୁ ବଜାରକୁ ଆଣି ବେଶ୍ ଉତ୍ସାହିତ । ଡେଭିନ୍ ଅଗ୍ରଣୀ ଏଆଇ କମ୍ପାନୀଙ୍କଠୁ ପ୍ରାକ୍ଟିକାଲ୍ ଇଞ୍ଜିନିୟରିଂ ଇଣ୍ଟରଭ୍ୟୁ ସଫଳତାପୂର୍ବକ ପାସ୍ କରିଛି । ଡେଭିନ୍ ଏକ ଅଟୋନମସ୍ ଏଜେଣ୍ଟ । ଏହା ନିଜ ଶେଲ୍, କୋଡ୍ ଏଡିଟର୍ ଏବଂ ଓ୍ବେବ୍ ବ୍ରାଉଜରର ବ୍ୟବହାରରେ ଇଞ୍ଜିନିୟରିଂ ସମ୍ବନ୍ଧିତ କାମ କରିଥାଏ ।’
Comments are closed.