ବଡ଼ସାହି : ବଡ଼ସାହି ଥାନା ଅଧୀନ ବାରିପଦା-ଉଦଳା ରାସ୍ତାର ସାନକେରକ ଠାରେ ମଙ୍ଗଳବାର ଦିନ ୧୧ଟା ସମୟରେ ଏକ ଇଣ୍ଡିଗୋ କାରରେ ହଠାତ ନିଆଁ ଲାଗିଯାଇଥିଲା। ଏହି ଅଘଟଣରୁ ୪ଜଣ ଛାତ୍ରଛାତ୍ରୀଙ୍କ ସମେତ ଡ୍ରାଇଭର ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି। ତେବେ କାରରେ ସଟ ସର୍କିଟ ଯୋଗୁଁ ନିଆଁ ଲାଗିଥିବା କୁହାଯାଉଛି। ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। କାରଟି ସମ୍ପୁର୍ଣ୍ଣ ଜଳି ଯାଇଥିବା ଜଣାପଡିଛି।
ସୂଚନାଯୋଗ୍ୟ ଯେ, ବାରିପଦାର ଏକ ଘରୋଇ ସ୍କୁଲରୁ କାର ଯୋଗେ ଛାତ୍ରଛାତ୍ରୀମାନେ ପ୍ରତିଦିନ ଯିବା ଆସିବା କରନ୍ତି। ମଙ୍ଗଳବାର ବାରିପଦା-ଉଦଳା ରାସ୍ତାର ସାନକେରକ ରାସ୍ତାରେ କାରଟି ଯାଉଥିବା ବେଳେ ହଠାତ ସେଥିରେ ନିଆଁ ଲାଗି ଯାଇଥିଲା। ନିଆଁ ଲାଗିଯିବା ଦେଖି ଡ୍ରାଇଭର ସଙ୍ଗେ ସଙ୍ଗେ କାରଟିକୁ ଅଟକାଇ ଛାତ୍ରଛାତ୍ରୀମାନଙ୍କୁ ବାହାର କରି ଦେଇଥିଲେ।
Comments are closed.