କାଲିମେଳା : ମାଲକାନଗିରି ଜିଲା ପଡ଼ିଆ ବ୍ଲକ ଅନ୍ତର୍ଗତ ଉଣ୍ମକୋଣ୍ଡା ବଜାର ଉପରେ ରବିବାର ସନ୍ଧ୍ୟା ସମୟରେ ଅଗ୍ନିକାଣ୍ଡ ଘଟିଛି। ସୂଚନା ଅନୁଯାୟୀ, ଗ୍ରାମର ଉଦ୍ଧବ ସରଦାର, ସୁନିଲ ସରଦାର, ଦୁର୍ଯ୍ୟୋଧନ ସରଦାରଙ୍କ ଘରେ ନିଆଁ ଲାଗିଯାଇଥିବାରୁ ଏହି ଅଗ୍ନିକାଣ୍ଡ ଘଟିଛି।
ଅଗ୍ନିକାଣ୍ଡରେ ୩ ଜଣଙ୍କ ଘରର ସମସ୍ତ ଜିନିଷପତ୍ର ସହ ପୋଡ଼ି ପାଉଁଶ ହୋଇଯାଇଛି। ଖବର ପାଇ କାଲିମେଳା ଅଗ୍ନିଶମ ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରିଥିଲେ ମଧ୍ୟ ଘର ପୋଡ଼ି ଯାଇଥିଲା। ଏହା ସହ ଉକ୍ତ ଘରେ ଥିବା ୨ ଜଣ ମହିଳା ଗୁରୁତର ଆହତ ହୋଇଛନ୍ତି। ସେମାନଙ୍କୁ କାଲିମେଳା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ଏହି ଅଗ୍ନିକାଣ୍ଡରେ ନିଆଁ ଲାଗିଥିବା ଘରର ନିକଟରେ ଥବା ଦେକାନ ଗୃହ ମଧ୍ୟ ଆଂଶିକ ନିଆଁ ଲାଗିବାରୁ ବିକ୍ରି ପାଇଁ ଥିବା ସାମଗ୍ରୀ କେତେକ ପୋଡ଼ି ଯାଇଛି। ବିଦ୍ୟୁତ ସଟସର୍କିଟ ଯୋଗୁ ଏହି ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି।
ଅଗ୍ନିକାଣ୍ଡରେ ୩ ବଖରା ଭସ୍ମୀଭୂତ, ୨ ଗୁରୁତର
Popular Categories
Previous article
Next article