ଚଳଚ୍ଚିତ୍ର ‘୮୩’ର ଫଟୋ ପୋଷ୍ଟକଲେ ଦୀପିକା

ମୁମ୍ବଇ:  ଚଳଚ୍ଚିତ୍ର ‘୮୩’କୁ ନେଇ ଏବେ ଚାଲିଛି ଜୋରଦାର ଚର୍ଚ୍ଚ ଚାଲିଥିବା ବେଳେ ବୁଧବାର ଏହି ଚଳଚ୍ଚିତ୍ରର ମୁଖ୍ୟ ନାୟିକା ଦୀପିକା ପାଦୁକୋନଙ୍କ ପ୍ରଥମ ଲୁକ୍‌ ସାମ୍ନାକୁ ଆସିଛି। ସେ ନିଜ ଇନ୍‌ଷ୍ଟାଗ୍ରାମ ଆକାଉଣ୍ଟରୁ ଏହି ଫଟୋଟିକୁ ପୋଷ୍ଟ କରିଛନ୍ତି। ଚଳଚ୍ଚିତ୍ରରେ ସେ କ୍ରିକେଟର କପିଲ ଦେବଙ୍କ ପତ୍ନୀଙ୍କ ଭୂମିକାରେ ଅଭିନୟ କରିଛନ୍ତି।

ଏହି ଫଟୋରେ ରଣବୀର ସିଂହ ଭାରତୀୟ ଦଳର ପୂର୍ବତନ ଅଧିନାୟକ କପିଲ ଦେବ ଓ ତାଙ୍କ ପତ୍ନୀ ରୋମି ଭାଟିୟାଙ୍କ ଲୁକର ଦୀପିକା ପାଦୁକନ ନଜରରେ ଆସିଛନ୍ତି। ଏହି ଫଟୋରେ ରଣବୀର ଓ ଦୀପିକାଙ୍କ ଜବରଦସ୍ତ କେମେଷ୍ଟ୍ରୀ ଦେଖିବାକୁ ମିଳିଛି ।

“To play a small part in a film that captures one of the most iconic moments in sporting history has been an absolute honour!83 for me is an ode to every woman who puts her husband’s dream before her own…” #ThisIs83 pic.twitter.com/JHTjQE8KC3

— Deepika Padukone (@deepikapadukone) February 19, 2020

ଖେଳ ଇତିହାସର ଏକ ଗୌରବାନ୍ୱିତ ମୁହୂର୍ତ୍ତର ଭାଗୀଦାର ହେବା ବଡ଼ ଗର୍ବର କଥା। ସ୍ୱାମୀଙ୍କ ପେସାଗତ ଓ ବ୍ୟକ୍ତିଗତ ଆକାଂକ୍ଷାର ସଫଳତାରେ ପତ୍ନୀଙ୍କର କେତେ ଗୁରୁତ୍ୱପୂର୍ଣ୍ଣ ଭୂମିକା ରହିଥାଏ, ତାହା ମୁଁ ନିଜ ମା’ଙ୍କ କ୍ଷେତ୍ରରେ ଦେଖିଛି। ମୋ ହିସାବରେ ‘୮୩’ ସେ ସମସ୍ତ ମହିଳାଙ୍କୁ ସମର୍ପିତ ବୋଲି ରେ ଦୀପିକା କହିଛନ୍ତି। ପ୍ରଯୋଜକ ଭାବେ ‘ଛପାକ୍‌’ ପରେ ଏହା ଦୀପିକାଙ୍କ ଦ୍ୱିତୀୟ ଫିଲ୍ମ। କବୀର ଖାନ୍‌ଙ୍କ ନିର୍ଦ୍ଦେଶନାରେ ତିଆରି ହୋଇଥିବା ଏହି ଚଳଚ୍ଚିତ୍ର ଏପ୍ରିଲ୍‌ ୧୦ରେ ହିନ୍ଦୀ, ତାମିଲ ଓ ତେଲୁଗୁ ଭାଷାରେ ରିଲିଜ ହେବ।