ନୂଆଦିଲ୍ଲୀ : ଯଦି ଆପଣ ମଧ୍ୟ ଟୋଲ ପ୍ଲାଜାରେ ହାତରେ ଫାଷ୍ଟ୍ୟାଗ୍ ନେଇ ଗାଡି ଚଳାଉଛନ୍ତି ତେବେ ସାବଧାନ ହୋଇଯାନ୍ତୁ । ଏନଏଚଏଆଇ ଏଥିରେ କଡା କାର୍ଯ୍ୟାନୁଷ୍ଠାନ ନେବାକୁ ନିଷ୍ପତ୍ତି ନେଇଛି । ଏବେ ଯେଉଁ ଗାଡିରେ ଫାଷ୍ଟ୍ୟାଗ୍ ସଠିକ୍ ସ୍ଥାନରେ ଲାଗି ନଥିବ ସେମାନଙ୍କୁ ବ୍ଲାକଲିଷ୍ଟ କରାଯାଇପାରେ ।
କିଛି ଗାଡି ମାଲିକ ଟୋଲ୍ ଦେବା ପାଇଁ ପାଷ୍ଟ୍ୟାଗକୁ କାରର ଓ୍ବିଣ୍ଡଶିଲ୍ଡ(ସାମ୍ନା କାଚ)ରେ ଲଗାଇବା ବଦଳରେ ହାତରେ ଧରନ୍ତି ଏବଂ ଟୋଲରେ ହାତରେ ଧରି ଦେଖାଇ ଦିଅନ୍ତି । ଏହାକୁ ‘ଟ୍ୟାଗ୍-ଇନ୍-ହ୍ୟାଣ୍ଡ୍’ କୁହାଯାଉଛି । ତେବେ ଏଥିରେ ଅନେକ ସମୟରେ ଗଡ ବଡ ହୋଇଥାଏ ଏବଂ କଲେକ୍ସନ ସିଷ୍ଟମରେ ଗଡବଡ ହୋଇଥାଏ ।
ଏନଏଚଏଆଇ ସମସ୍ତ ଟୋଲ୍ ପ୍ଲାଜା ଅପରେଟରଙ୍କୁ ନିର୍ଦ୍ଦେଶ ଦେଇଛି କି ଯଦି କୌଣସି ବି ଗାଡିରେ ଫାଷ୍ଟ୍ୟାଗ ନ ଲଗାଯାଇ ଟୋଲ୍ ଦିଆଯାଉଛି ତେବେ ତୁରନ୍ତ ସେ ଗାଡି ସମ୍ପର୍କରେ ରିପୋର୍ଟ କରାଯାଉ । ଏନଏଚଏଆଇ ଏମିତି ଟ୍ୟାଗ୍ସକୁ ବ୍ଲାକଲିଷ୍ଟ ବା ହଟଲିଷ୍ଟ କରିବ ଅର୍ଥାତ୍ ସେହି ଟ୍ୟାଗ୍ ଆଗକୁ ବ୍ୟବହାର କରିହେବନି । ସମସ୍ତ ଅପରେଟରଙ୍କୁ ରିପୋର୍ଟ ପଠାଇବା ପାଇଁ ଏକ ସ୍ବତନ୍ତ୍ର ଇମେଲ୍ ଆଇଡି ମଧ୍ୟ ଦିଆଯାଇଛି । ଗାଡି ମାଲିକମାନେ ଫାଷ୍ଟ୍ୟାଗକୁ କାରର ଓ୍ବିଣ୍ଡଶିଲ୍ଡ ମଝିରେ ଲଗାନ୍ତୁ । କୌଣସି ବି ପରିସ୍ଥିତିରେ ଏହାକୁ ହାତରେ ନେଇଯାଆନ୍ତୁ ନାହିଁ । ଏହା ସହ ବ୍ଲାକଲିଷ୍ଟରୁ ବଞ୍ଚିବା ପାଇଁ ସମସ୍ତ ନିୟମକୁ ପାଳନ କରନ୍ତୁ ।
