ବାଙ୍କୀ : ବାଙ୍କୀ-ଡମପଡା ବ୍ଲକର ସମସ୍ତ ୧୭ଗୋଟି ପଞ୍ଚାୟତରେ ପ୍ରଧାନମନ୍ତ୍ରୀ ଫସଲବୀମା ଯୋଜନାକୁ କାର୍ଯ୍ୟକାରୀ କରିବାରେ ଚାଷୀ ମାନଙ୍କୁ ସଚେତନ କରିବାର ପ୍ରୟାସ ତ୍ୱରାନ୍ୱିତ କରାଯାଇଛି । ଚଳିତ ବର୍ଷ ଖରିଫ୍ ଫସଲ ପାଇଁ ପ୍ରଧାନମନ୍ତ୍ରୀ ଫସଲବୀମା ଯୋଜନାରେ ଚାଷୀ ମାନେ ପଞ୍ଜୀକୃତ ହୋଇ ପ୍ରାକୃତିକ ବିପର୍ଯ୍ୟୟ ଜନିତ କ୍ଷୟକ୍ଷତିର ବୀମା ଭରଣା ପାଇଁ ଏକ ସ୍ୱତନ୍ତ୍ର ସଚେତନତା କାର୍ଯ୍ୟକ୍ରମ ଡମପଡା ବ୍ଲକ ଅନ୍ତର୍ଗତ ଢଁସର ଗ୍ରାମ ଠାରେ ବୁଧବାର ଦିନ ଅନୁଷ୍ଠିତ ହୋଇଛି । ‘ଫସଲବୀମା ପାଠଶାଳା’ କାର୍ଯ୍ୟକ୍ରମ ଭାବେ, ଉପସ୍ଥିତ ଚାଷୀ ମାନଙ୍କୁ ଆବଶ୍ୟକ ଜ୍ଞାନକୌଶଳ ପ୍ରଦାନ ଏବଂ ପ୍ରଧାନମନ୍ତ୍ରୀ ଫସଲବୀମା ଯୋଜନା ସମ୍ପର୍କରେ ସଚେତନ କରାଯାଇଛି । ଏଠାରେ ୭୦ରୁ ୮୦ଜଣ ପ୍ରମୁଖ ଚାଷୀ ଉପସ୍ଥିତ ରହି ଯୋଜନା ସମ୍ପର୍କରେ ସଚେତନ ହୋଇଛନ୍ତି। ଅଧିକାରୀ ସାନ୍ତନୁ କୁମାର ସାହୁ ଏବଂ ବୀମା କମ୍ପାନୀର ଡମପଡା ବ୍ଲକ ସଞ୍ଜୋଜକ ପ୍ରଦୀପ କୁମାର ସେଠୀ ଯୋଜନା ସମ୍ପର୍କରେ ଲୋକମାନଙ୍କୁ ସଚେତନ କରାଇଛନ୍ତି।
Comments are closed.