ବରଗଡ: ଓଡ଼ିଶାର ଭାତହାଣ୍ଡି କୁହାଯାଉଥିବା ବରଗଡ ଜିଲାରେ ଚାଷୀ ତାର ଧାନ ବିକ୍ରି କରିପାରୁ ନାହିଁ। ଏହାକୁ ନେଇ ଚାଷୀ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ସୋମବାର ଶତାଧିକ ଚାଷୀ ଏହାର ପ୍ରତିବାଦ କରି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାନ ଜମା କରି ଧାରଣା ଦେଇଛନ୍ତି।
ସୂଚନା ଅନୁସାରେ, ରବି ଋତୁ ଧାନ ସଂଗ୍ରହ ଅବଧି ସରିବାକୁ ବସିଥିବା ବେଳେ ଏ ପର୍ଯ୍ୟନ୍ତ ଜିଲାର ବିଭିନ୍ନ ଧାନ ସଂଗ୍ରହ କେନ୍ଦ୍ରଗୁଡିକରେ ହଜାର ହଜାର ଧାନବସ୍ତା ପଡ଼ି ରହିଛି। ଧାନ ବିକ୍ରି ହୋଇପାରୁ ନ ଥିବାରୁ ଚାଷୀ ଧାନ ଧରି ବସିରହିଛନ୍ତି। ତେଣୁ ଏହାର ପ୍ରତିବାଦରେ ଭେଡେନ, ରେଶମ, ଅତାବିରା ଅଞ୍ଚଳର ବହୁ ଚାଷୀ ଜିଲାପାଳ ଓ ଯୋଗାଣ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଧାନ ରଖି ଧାରଣାରେ ବସିଛନ୍ତି। ତୁରନ୍ତ ଧାନ ବିକ୍ରି ବ୍ୟବସ୍ଥା କରିବାକୁ ଚାଷୀମାନେ ଦାବି କରିଛନ୍ତି।
