ମୁମ୍ବଇ : ବଲିଉଡର ସୁପରିଚିତ ଅଭିନେତା ଫରହାନ୍ ଅଖତର୍ ଖୁବଶୀଘ୍ର ତାଙ୍କର ଆଗାମୀ ଚଳଚ୍ଚିତ୍ର ‘ତୁଫାନ’ ମାଧ୍ୟମରେ ବଡ଼ ପରଦାରେ ନଜର ଆସିବେ। ‘ତୁଫାନ’ରେ ଫରହାନ ଅଖତରଙ୍କୁ ଏକ ବକ୍ସର ଭୂମିକାରେ ଦେଖିବାକୁ ମିଳିବ। ଏହି ଚଳଚ୍ଚିତ୍ର ପାଇଁ ସେ ନିଜକୁ ଫିଟ୍ ରଖୁଥିବା ଖବର ଆସିଛି। ଏହି ସିନେମା ପାଇଁ ସେ ଜିମରେ ୱାର୍କଆଉଟ କରୁଥିବାର ଏକ ଭିଡିଓ ଶନିବାର ତାଙ୍କର ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି। ଯାହା ସାମାଜିକ ଗଣମାଧ୍ୟମରେ ଦ୍ରୁତ ଗତିରେ ସେୟାର ହେବାରେ ଲାଗିଛି। ତୁଫାନ ଚଳଚ୍ଚିତ୍ରରେ ନିଦ୍ଦେଶନାର ଭାର ସମ୍ଭାଳିବେ ରାକେଶ ଓମପ୍ରକାଶ ମେହରା। ଏହା ପୂର୍ବରୁ ରାକେଶ ଓମପ୍ରକାଶ ମେହରା ‘ଭାଗ୍ ମିଲଖା ଭାଗ୍’ ଚଳଚ୍ଚିତ୍ର ନିର୍ମାଣ କରିଥିଲେ ଯେଉଁଥିରେ ଫରହାନ ଲିଡ୍ ରୋଲରେ ଅଭିନୟ କରିଥିଲେ। ଯାହାକୁ ଦର୍ଶକମାନେ ବେଶ୍ ପସନ୍ଦ କରିବା ସହିତ ତାହା ବକ୍ସ ଅଫିସରେ ଭଲ ବ୍ୟାବସାୟ ମଧ୍ୟ କରିଥିଲେ।
Comments are closed.