ମ.ରାମପୁର: ନକଲି ନୋଟ୍ କାରବାର ଚାଲୁଥିବା ବେଳେ ରିଷିଡା ଗାଁରେ ମ.ରାମପୁର ଥାନା ପୁଲିସ ଚଢାଉ କରି ଜଣକୁ ଗିରଫ କରିଛି। ଏଥିସହ ତା’ଠାରୁ ୨୦୦ଟଙ୍କିଆ ୧୦୦ଖଣ୍ଡ ନକଲି ନୋଟ୍ ଓ ସେ ବ୍ୟବହାର କରୁଥିବା ଏକ ମୋବାଇଲ ଫୋନ୍ ଜବତ କରିଛି। ସମୁଦାୟ ୨୦ହଜାର ଟଙ୍କା ଜବତ ହୋଇଛି। ଗିରଫ ଜଣକ କଳାହାଣ୍ଡି ଜିଲା କରଲାମୁଣ୍ଡା ବ୍ଲକ କୁନ୍ଦେଇପାଲି ଗାଁର ବିରେନ୍ଦ୍ର ସୁନା ବୋଲି ଜଣାପଡ଼ିଛି। ବିରେନ୍ଦ୍ର ସୋମବାର ସନ୍ଧ୍ୟା ସମୟରେ ରିଷିଡା ଗାଁର ମେଡିକାଲ ନିକଟରେ ଏକ କଳା ରଙ୍ଗର ପଲିଥିନରେ ନକଲି ନୋଟ ରଖି ଠିଆ ହୋଇଥିବା ବେଳେ କୌଣସି ସୂତ୍ରରୁ ଖବର ପାଇ ପୁଲିସ ସେଠାରେ ପହଞ୍ଚିଥିଲା। ଏହାପରେ ତା’ଠାରୁ ୨୦୦ଟଙ୍କିଆ ନକଲି ନୋଟ ୧୦୦ଖଣ୍ଡ ଓ ସେ ବ୍ୟବହାର କରୁଥିବା ଏକ ମୋବାଇଲ ଫୋନକୁ ଜବତ କରିବା ସହ ଗିରଫ କରି କୋର୍ଟ ଚାଲାଣ କରାଯାଇଥିବା ଏକ ସାମ୍ବାଦିକ ସମ୍ମିଳନୀରେ କେସିଙ୍ଗା ଏସଡିପିଓ ରୋହିତ ବର୍ମା ସୂଚନା ଦେଇଛନ୍ତି।
Comments are closed.