ମୁଖ୍ୟଦ୍ୱାରରେ ରଖନ୍ତୁ ଏହି ୩ଟି ଜିନିଷ : ମିଳିବ ଶୁଭଫଳ

ବାସ୍ତୁ ଶାସ୍ତ୍ରରେ ଘରର ଦିଗ ଓ ଏହା ସହ ଜଡିତ ଅନେକ ଉପାୟ ବର୍ଣ୍ଣନା କରାଯାଇଛି। ଘରେ କେଉଁ ସ୍ଥାନରେ କି ଜିନିଷ ରଖିବା ଉଚିତ୍‌‌ ଏହା ମଧ୍ୟ ବାସ୍ତୁ ଶାସ୍ତ୍ରରେ ବର୍ଣ୍ଣନା କରାଯାଇଛି। ଘର ଓ କାର୍ଯ୍ୟାଳୟରେ ବାସ୍ତୁ ନିୟମର ପାଳନ କରିବା ଦ୍ୱାରା ଶୁଭଫଳ ମିଳିଥାଏ। ଘରର ମୁଖ୍ୟଦ୍ୱାର ସହ ଜଡିତ ଅନେକ ନିୟମ ରହିଛି। ଯାହାର ପାଳନ କରିବା ଦ୍ୱାରା ଘରେ ସୁଖସମୃଦ୍ଧି ବୃଦ୍ଧି ହେବା ସହ ଆର୍ଥିକ କ୍ଷେତ୍ରରେ ଲାଭ ହୋଇଥାଏ।
ବାସ୍ତୁ ଅନୁଯାୟୀ, ଘରର ମୁଖ୍ୟ ଦ୍ୱାର ସର୍ବଦା ସଫାସୁତୁରା ରହିବା ଆବଶ୍ୟକ। ମୁଖ୍ୟଦ୍ୱାର ନିକଟରେ ଅନାବଶ୍ୟକ ଜିନିଷ ରଖନ୍ତୁ ନାହିଁ। ଜାଣନ୍ତୁ କେଉଁ କେଉଁ ଜିନିଷ ରଖିବେ..
ମାନ୍ୟତାନୁଯାୟୀ, ଘରର ମୁଖ୍ୟଦ୍ୱାରରେ ପାଣିରେ ଭର୍ତ୍ତି ଏକ ପାତ୍ର କିମ୍ବା ଛୋଟ କଳସ ରଖିପାରିବେ। ଏହାଦ୍ୱାରା ପ୍ରତ୍ୟେକ କାର୍ଯ୍ୟରେ ସଫଳତା ମିଳିଥାଏ। ଘରେ ସକରାତ୍ମକ ଶକ୍ତି ପ୍ରବେଶ କରିଥାଏ।
ଘରର ମୁଖ୍ୟଦ୍ୱାରରେ ନେମ୍‌‌ପ୍ଲେଟ୍‌‌ ଲଗାନ୍ତୁ। ମାତ୍ର ଯେପରି ଏହା ଭଲ ଭାବେ ଦେଖାଯାଉଥିବ ଓ ସଠିକ୍‌‌ ଅକ୍ଷରରେ ମଧ୍ୟ ଥିବ। ଏହାଦ୍ୱାରା ଘରେ ସୁଖସମୃଦ୍ଧି ପ୍ରବେଶ କରିଥାଏ।
ଘରର ମୁଖ୍ୟଦ୍ୱାର ନିକଟରେ ଗଛ ରଖିବା ମଧ୍ୟ ବେଶ ଶୁଭଙ୍କର। ମନିପ୍ଲାଣ୍ଟ ରଖିବା ଅତ୍ୟନ୍ତ ଶୁଭଙ୍କର। ଏହାଦ୍ୱାରା ଘରେ ସୁଖଶାନ୍ତି ସହ ଆର୍ଥିକ କ୍ଷେତ୍ରରେ ଶୁଭଫଳ ମିଳିଥାଏ। ଟଙ୍କାର ଆଦୌ ଅଭାବ ହୋଇନଥାଏ। ଗଛ ଲଗାଇବା ଦ୍ୱାରା ସକରାତ୍ମକ ଶକ୍ତି ପ୍ରବେଶ କରିଥାଏ।