କୁଚିଣ୍ଡା: କୁଚିଣ୍ଡା ଅଞ୍ଚଳର ଜନୈକ ନାବାଳିକା କଲେଜ ପଢୁଆ ଝିଅକୁ ପ୍ରେମ ଜାଲରେ ଫସାଇବା ପାଇଁ ଜାଲ ଫେସବୁକ ଆଇଡି ଖୋଲି ପ୍ରଭାବିତ କରିବାକୁ ଚେଷ୍ଟା କରିବା ଓ ଅଶ୍ଲୀଳ ଫଟୋ ଅପଲୋଡ କରି କଟକ ଜିଲା କାନପୁର ଥାନା କାଞ୍ଜିଆପଡାର ଜନୈକ ଯୁବକ ଗିରଫ ହୋଇଥିବା ଜଣାଯାଇଛି।
କୁଚିଣ୍ଡା ସହରର ଦୁଇ ଜଣ ଝିଅ ଭୁବନେଶ୍ୱରରେ ରହୁଥିବା ବେଳେ ମାନସ ପଣ୍ଡା ନାମକ ଜନୈକ ଯୁବକ ସହ ପରିଚୟ ହୋଇଥିଲା। ଯୁବକ ସେମାନଙ୍କ ମଧ୍ୟରୁ ଜଣେ ର ଝିଅକୁ ପ୍ରେମ ଜାଲରେ ଫସାଇବାକୁ ଉଦ୍ୟମ କରି ବିଫଳ ହେବାପରେ ଅନ୍ୟ ଝିଅ ନାମରେ ଏକ ଜାଲ ଫେସବୁକ ଆଇଡି ଖୋଲି ତା’ ପ୍ରେମିକା ସହ ବନ୍ଧୁତା କରିଥିଲା। ଏକତରଫା ପ୍ରେମ କରୁଥିବା ଅଭିଯୁକ୍ତ ମାନସ ବିଭିନ୍ନ ସମୟରେ ଅଶ୍ଲୀଳ ଫଟୋ ଅପଲୋଡ କରି ତା’ ପ୍ରେମିକାକୁ ପଠାଉଥିଲା। ଯେଉଁ ନାବାଳିକାଙ୍କ ନାମରେ ଜାଲ ଆଇଡି ଖୋଲିଥିଲା ସେ ପୁଲିସର ଦ୍ୱାରସ୍ଥ ହୋଇ ଘଟଣାକୁ ଭିନ୍ନ ରୂପ ଦେବା ଓ ଏହାର ଅନ୍ତରାଳେ ଥିବା ବିଭିନ୍ନ ଘଟଣାର ତଦନ୍ତ ଦାବି କରିଥିଲେ। ପରେ ଏଭଳି କାମ ମାନସ ପଣ୍ଡା ନାମକ ଯୁବକ କରୁଥିବା ଜଣାପଡିଥିଲା। କୁଚିଣ୍ଡା ଥାନା ଅଧିକାରୀ ଏହାର ତଦନ୍ତ ସହ ସାଇବର ଅପରାଧିକ ଶାଖାରୁ ତଥ୍ୟ ନେଇ ଆଜି କଟକ ଜିଲା କାନପୁର ଥାନା କାଞ୍ଜିଆପଡାର ନୀଳମଣି ପଣ୍ଡାଙ୍କ ପୁଅ ମାନସକୁ ଗିରଫ କରିଥିବା ଜଣାଯାଇଛି। ଏହି ଘଟଣା ସଂପ୍ରତି କୁଚିଣ୍ଡା ସହରରେ ଆଲୋଡ଼ନ ସୃଷ୍ଟି କରିଛି।
Comments are closed.