କୌଶାମ୍ବି : କୌଶାମ୍ବିରେ ରବିବାର ଏକ ବାଣ କାରଖାନାରେ ବିସ୍ଫୋରଣ ପରେ ଅଗ୍ନିକାଣ୍ଡ ଘଟିଛି । ଦୁର୍ଘଟଣାରେ ୭ ଜଣଙ୍କ ମୃତ୍ୟୁ ହେବା ସହ ଅନେକ ଲୋକ ଗୁରୁତର ଆହତ ହୋଇଛନ୍ତି । କାରଖାନାରେ ୧୩ ଜଣ ଫସି ରହିଥିବା ସୂଚନା ମିଳିଛି ।
କାରଖାନା ଭିତରେ ୨୪ ଜଣ କାମ କରୁଥିଲେ । ବିସ୍ଫୋରଣ ଅତି ଭୟାନକ ଥିଲା । ପୋଲିସକୁ କାରଖାନାର ୫୦୦ ମିଟର ଦୂରରେ ଶ୍ରମିକଙ୍କ ଖଣ୍ଡ ବିଖଣ୍ଡିତ ଶରୀର ମିଳିଛି । ଏହାର ଭୟାବହତା ଏଥିରୁ ଅନୁମାନ କରିହେବ । ଏହି ଦୁର୍ଘଟଣାରେ ଆଖ ପାଖରେ ଥିବା ଘର ଉପରେ ମଧ୍ୟ ପ୍ରଭାବ ପଡିଛି । ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
ପ୍ରତ୍ୟେକ୍ଷଦର୍ଶୀଙ୍କ କହିବାନୁସାରେ ଅଚାନକ ଜୋରରେ ଏକ ଶବ୍ଦ ଶୁଭିଲା । ପ୍ରଥମେ ସମସ୍ତେ ଘଡଘଡି ମାରିଲା ବୋଲି ଅନୁମାନ କଲେ । କିନ୍ତୁ ପରେ ବାହାର ଧୁଆଁ ନଜର ଆସିଲା । କାରଖାନାରେ ନିଆଁ ନଜର ଆସିଲା । ୧୫ ଜଣ ଶ୍ରମିକ ଉପରେ ଉଡି ବହୁତ ଦୂରରେ ଆସି ପଡିବାର ଦେଖିଥିବା କହୁଛନ୍ତି କିଛି ପ୍ରତ୍ୟେକ୍ଷଦର୍ଶୀ । କାରଖାନାରେ ରାସାୟନିକ ପଦାର୍ଥ ପ୍ରଚୁର ମାତ୍ରାରେ ଥିଲା । ଏହି କାରଣରୁ ଅଗ୍ନି ଭୟାନକ ରୂପ ନେଇଛି ବୋଲି ଅନୁମାନ କରାଯାଉଛି । କାମ କରୁଥିବା ଅନ୍ୟ ଶ୍ରମିକଙ୍କୁ ଆଖପାଖରେ ଖୋଜାଯାଉଛି ।
Comments are closed.