ନୂଆଦିଲ୍ଲୀ: ଜାତୀୟସ୍ତରରେ ବେତନ ସୀମା ଏବଂ ସର୍ବନିମ୍ନ ମଜୁରୀ ନିର୍ଦ୍ଧାରଣ ପାଇଁ ଗଠିତ ବିଶେଷଜ୍ଞ କମିଟି ତାଙ୍କର ରିପୋର୍ଟ ଖୁବଶୀଘ୍ର ପ୍ରଦାନ କରିବେ। ଏହି ପ୍ରସଙ୍ଗ ଉପରେ ବୈଷୟିକ ତଥ୍ୟ ପ୍ରଦାନ ଏବଂ ଆବଶ୍ୟକ ସୁପାରିଶ କରିବାକୁ ଉକ୍ତ କମିଟି ଗଠନ କରାଯାଇଛି। ଏହି ବିଶେଷଜ୍ଞ କମିଟିର କାର୍ଯ୍ୟକାଳ ତିନିବର୍ଷ ରଖାଯାଇଥିଲା। କେନ୍ଦ୍ର ସରକାରଙ୍କ ପକ୍ଷରୁ କୁହାଯାଇଛି ଯେ କମିଟିକୁ ତାହାର ରିପୋର୍ଟ ଯଥାଶୀଘ୍ର ପ୍ରଦାନ କରିବାକୁ କୁହାଯାଇଛି। ଇତିମଧ୍ୟରେ ଏହି କମିଟିର ପ୍ରଥମ ବୈଠକ ଚଳିତ ଜୁନ୍ ମାସ ୧୪ ତାରିଖରେ ଅନୁଷ୍ଠିତ ହୋଇସାରିଛି ଏବଂ ଦ୍ୱିତୀୟ ବୈଠକ ଆଗାମୀ ୨୯ ତାରିଖରେ ହେବାକୁ ଯାଉଛି। କମିଟି ସଂପ୍ରତି ଜାତୀୟ ସ୍ତରରେ ବେତନ ସୀମା ଏବଂ ସର୍ବନିମ୍ନ ମଜୁରୀ ନିର୍ଦ୍ଧାରଣ ସମ୍ପର୍କିତ ବିଭିନ୍ନ ବିଷୟକୁ ଅନୁଧ୍ୟାନ କରୁଛନ୍ତି। ଏହାପରେ ସେସବୁକୁ ଭିତ୍ତିକରି ଚୂଡାନ୍ତ ରିପୋର୍ଟ ପ୍ରସ୍ତୁତ କରାଯିବ।
Popular Categories
Previous article
Next article