ଧାମରା : ଚାନ୍ଦବାଲି ବିଧାନସଭା ଅର୍ନ୍ତଗତ ଧାମରା ଠାରେ ଇଭିଏମ ଏବଂ ଭିଭିପାଟ ମେସିନ ଖରାପ ହେତୁ ସେଠାରେ ମତଦାନ ୧ଘଣ୍ଟା ୧୫ ମିନଟ ବିଳମ୍ବିତ ହୋଇଥିବା ଜଣାଯାଇଛି। ମତଦାନ ସକାଳ ୭ଟାରେ ଆରମ୍ଭ ହେବାକୁ ଥିବା ବେଳେ ସେଠାରେ ଥିବା ୨ଟି ଇଭିଏମ ଏବଂ ଭିଭିପାଟ ମେସିନ ଖରାପ ହୋଇଯାଇଥିଲା। ପ୍ରବଳ ଖରା ସତ୍ତ୍ବେ ଧାମରା କେନ୍ଦ୍ରରେ ଭୋଟଦାତାଙ୍କ ଲମ୍ବା ଲାଇନ ଦେଖିବାକୁ ମିଳିଥିଲା। କିନ୍ତୁ ମେସିନ ଖରାପ ଯୋଗୁଁ ସେଠାରେ ଉପସ୍ଥିତ ଥିବା ଭୋଟରମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଥିଲା। ସେଠାରେ ନିଯୁକ୍ତ ଧାମରା ଥାନାର ଭାରପ୍ରାପ୍ତ ଅଧିକାରୀ ଶ୍ରୀକାନ୍ତ ପତି ଭୋଟରମାନଙ୍କୁ ଶାନ୍ତି ଶୃଙ୍ଖଳା ବଜାଇ ରଖିବାକୁ ଅନୁରୋଧ କରିଥିଲେ। ବହୁ ପରିଶ୍ରମ ପରେ ଏହି ୨ଟି ମେସିନ ସଜଡା ହେବା ପରେ ସକାଳ ୮.୧୫ ମିନିଟରେ ଏହି ମତଦାନ କେନ୍ଦ୍ରରେ ଭୋଟ ଦାନ ଆରମ୍ଭ ହୋଇଥିଲା।
Popular Categories
Previous article
Next article