ନୂଆଦିଲ୍ଲୀ: ନିଜର ବ୍ୟକ୍ତିତ୍ବ ସୁରକ୍ଷା ଲୋଡିବା ପୂର୍ବକ ଅଭିନେତ୍ରୀ ଐଶ୍ବର୍ଯ୍ୟା ରାୟ ବଚ୍ଚନ ଦିଲ୍ଲୀ ହାଇକୋର୍ଟଙ୍କ ଦ୍ବାରସ୍ଥ ହୋଇଛନ୍ତି। ଐଶ୍ବର୍ଯ୍ୟା ନିଜର ଆବେଦନରେ ଦର୍ଶାଇଛନ୍ତି ଯେ କେତେକ ଅନଲାଇନ ପ୍ଲାଟଫର୍ମରେ ତାଙ୍କର ନାମ ଓ ଫଟୋକୁ ବେଆଇନ ଭାବେ ବ୍ୟବହାର କରାଯାଉଛି। ଏପରି କି କୃତ୍ରିମ ବୁଦ୍ଧିମତା(ଏଆଇ)ର ଉପଯୋଗ ପୂର୍ବକ ତାଙ୍କର ଅଶ୍ଳୀଳ ଫଟୋ ପ୍ରସ୍ତୁତ କରାଯାଇ ବିଭିନ୍ନ ଅନଲାଇନ ପ୍ଲାଟଫର୍ମରେ ବ୍ୟବହାର କରାଯାଉଥିବାରୁ ଏହା ଉପରେ ରୋକ ଲଗାଇବାକୁ ଐଶ୍ବର୍ଯ୍ୟା ଅଦାଲତଙ୍କ ହସ୍ତକ୍ଷେପ ଲୋଡିଛନ୍ତି। ବିଚାରପତି ତେଜସ କାରିଆ ଐଶ୍ବର୍ଯ୍ୟାଙ୍କ ଆବେଦନ ଉପରେ ଶୁଣାଣି କରିବେ। ଐଶ୍ବର୍ଯ୍ୟାଙ୍କ ଓକିଲ କହିଛନ୍ତି ଯେ ଜଣେ ବ୍ୟକ୍ତି ତାଙ୍କ ମହକିଲର ନାମ ଓ ଫଟୋକୁ ବ୍ୟବହାର କରି ଅର୍ଥ ରୋଜଗାର କରିପାରିବେ ନାହିଁ। ଏପରି କି କେତେକ ବ୍ୟବସାୟୀ ଟି-ସାର୍ଟ, ବାଲ୍ଟି, ମଗ୍ ଆଦିରେ ଐଶ୍ବର୍ଯ୍ୟାଙ୍କ ନାମ ଓ ଫଟୋ ବ୍ୟବହାର କରି ଅର୍ଥ ରୋଜଗାର କରୁଛନ୍ତି।
ଏହି ୫ ରାଶିଙ୍କ ଉପରେ ଧନ ବର୍ଷା କରିବେ ମା’ଲକ୍ଷ୍ମୀ : ଆରମ୍ଭ ହେଲା ଦୁର୍ଲ୍ଲଭ ଦ୍ୱିଦ୍ୱାଦଶ ଯୋଗ
