ଜାମ୍ମୁ: ଜାମ୍ମୁ-କାଶ୍ମୀରର ସାପୋରରେ ଶୁକ୍ରବାର ଆତଙ୍କବାଦୀ ଏବଂ ଭାରତୀୟ ଯବାନଙ୍କ ମଧ୍ୟରେ ଗୁଳିବିନିମୟ ଘଟିଛି। ଯବାନଙ୍କ ଗୁଳିରେ ଜଣେ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି। ଉକ୍ତ ଅଞ୍ଚଳରେ ଆହୁରି ୩ଜଣ ଆତଙ୍କବାଦୀ ଲୁଚି ରହିଥିବା ଜଣାପଡ଼ିଛି।
ସୂଚନା ମୁତାବକ, ସାପୋରରେ କେତେଜଣ ଆତଙ୍କବାଦୀ ଲୁଚି ରହିଥିବା ନେଇ ସେନାକୁ ଖବର ମିଳିଥିଲା। ଏହା ପରେ ବିଳମ୍ବିତ ରାତିରେ ଯବାନମାନେ ସମ୍ପୃକ୍ତ ଅଞ୍ଚଳରେ ପାଟ୍ରୋଲିଂ ଆରମ୍ଭ କରିବା ସହ ଚଢ଼ାଉ କରିଥିଲେ। ଆତଙ୍କବାଦୀମାନେ ଲୁଚି ରହିଥିବା ସ୍ଥାନରେ ଭାରତୀୟ ଯବାନମାନେ ପହଞ୍ଚିବା ପରେ ଗୁଳିବିନିମୟ ଘଟିଥିଲା। ଆତଙ୍କବାଦୀଙ୍କ ଗୁଳିର କଡ଼ା ଜବାବ ଦେଇଥିଲେ ଯବାନ। ଏଥିରେ ଜଣେ ଆତଙ୍କବାନୀ ନିହତ ହୋଇଥିଲେ। ଅନ୍ୟ ୩ ଆତଙ୍କବାଦୀ ଲୁଚିଥିବା ବେଳେ ଏବେ ସୁଦ୍ଧା ସେଠାରେ ଗୁଳିବିନିମୟ ଜାରି ରହିଥିବା ସୂଚନା ମିଳିଛି।
