କଂଟାବାଞ୍ଜି: ମୋର ଅଜାଙ୍କ ବାପା, ଅଜା ଏବଂ ବାପା ସମସ୍ତେ ସାଧାରଣ ଜନତାଙ୍କ ପାଇଁ କାମ କରୁଥିଲେ । ମୋ ବାପା ଏବେ ମଧ୍ୟ ଲୋକଙ୍କ ସୁଖ ଦୁଃଖରେ ଆସିଥାନ୍ତି । ପରିବାର ୩ ଜଣ ସରପଞ୍ଚ ରହି ଲୋକଙ୍କ କାମ କଲେ, ଶେଷରେ ମତେ ସୁଯୋଗ ମିଲିଥିବାରୁ ମୁଁ ମଧ୍ୟ ସରପଞ୍ଚ ପ୍ରାର୍ଥୀ ଭାବେ ନିର୍ବାଚନ ମୈଦାନରେ ପାଦ ଥାପିଛି । ତୁରେକେଲା ବ୍ଲକ ଚଟୁଅନକା ପଂଚାୟତ ସରପଞ୍ଚ ପ୍ରାର୍ଥୀ ଭାବେ ନିର୍ବାଚନ ଲଢୁଛନ୍ତି ଯୁବ ସମାଜସେବୀ ତଥା ପୂର୍ବତନ ସରପଞ୍ଚ ହିରାଧର ବଏଙ୍କ ପୁଅ ଗଜାନନ୍ଦ ବଏ । ଗଜାନନ୍ଦ ନିଜର ପୂର୍ବପୁରୁଷଙ୍କ ଆଦର୍ଶକୁ ଆପଣାଇ ଚଳିତ ନିର୍ବାଚନ ସରପଞ୍ଚ ପ୍ରାର୍ଥୀ ଭାବେ ନିର୍ବାଚନ ଲଢୁଛନ୍ତି । ସେ ସରପଞ୍ଚ ହେଲେ ତାଙ୍କ ପୂର୍ବପୁରୁଷ ଏବଂ ବାପା ଯେମିତି ପଂଚାୟତର ଉନ୍ନତି ପାଇଁ କାମ କରିଥିଲେ ସେ ମଧ୍ୟ ସେମିତି କାମ କରିବେ ବୋଲି ପ୍ରଚାର ସମୟରେ ଲୋକଙ୍କୁ କହି ଭୋଟ ଭିକ୍ଷା କରିଛନ୍ତି । ବେହେରେନସିଟେଲ ଗାଁର ବିଭିନ୍ନ ପଡା ବୁଲି ସେ ଭୋଟ ପ୍ରଚାର କରିଛନ୍ତି । ପ୍ରଚାର ସମୟରେ ପଡାବାସୀ ମଧ୍ୟ ଫୁଲମାଳ ଦେଇ ସମ୍ବର୍ଦ୍ଧନା ଦେଇଥିବା ଦେଖାଯାଇଥିଲା ।
Comments are closed.