ଜୟପୁର . – ୧୨ ଲକ୍ଷ ଚାଷୀଙ୍କୁ ମାଗଣା ବିଦ୍ୟୁତ ଦେବାପାଇଁ ରାଜସ୍ଥାନର ମୁଖ୍ୟମନ୍ତ୍ରୀ ବସୁନ୍ଧରା ରାଜେ ଘୋଷଣା କରିଛନ୍ତି । ୧୨ ଲକ୍ଷ ଚାଷୀ ଏବେ ବର୍ଷକୁ ୧୦ ହଜାର ଟଙ୍କା ପର୍ଯ୍ୟନ୍ତ ମାଗଣା ବିଦ୍ୟୁତ ବ୍ୟବହାର କରି ପାରିବେ । ଏକ ନିର୍ବାଚନ ରାଲିରେ ସମ୍ବୋଧନ କରିବା ସମୟରେ ବସୁନ୍ଧରା ରାଜେ ଏହି ଘୋଷଣା କରିଛନ୍ତି ।
ଏବେ ଚାଷୀମାନେ ନିଜ ବିଦ୍ୟୁତ ଦେୟ ଦାଖଲ କରିବେ । ପରେ ତାଙ୍କ ବ୍ୟାଙ୍କ ଖାତାକୁ ୮୩୩ ଟଙ୍କା ଫେରସ୍ତ ଆସିବ । ସିଧାସଳଖ ଟଙ୍କା ଟ୍ରାନସ୍ଫର ଯୋଜନାରେ ଏହି ଟଙ୍କା ଆସିବ ।
ରାଜସ୍ଥାନ ଶକ୍ତି ବିଭାଗ ଏ ନେଇ ଯାଜପୁର, ଆଜମିର ଓ ଯୋଧପୁରରେ ଥିବା ବିଭିନ୍ନ ବିଦ୍ୟୁତ ଯୋଗାଣକାରୀ କମ୍ପାନୀମାନଙ୍କୁ ନିର୍ଦେଶ ଜାରି କରିଛି ।
କଂଗ୍ରେସ ପୂର୍ବରୁ କ୍ଷମତାକୁ ଆସିଲେ କୃଷକମାନଙ୍କୁ ମାଗଣା ବିଦ୍ୟୁତ ଯୋଗାଇ ଦେବ ବୋଲି ଘୋଷଣା କରିଥିଲା । ବସୁନ୍ଧରା ରାଜେଙ୍କ ଘୋଷଣା ପରେ , ରାଜ୍ୟ ସରକାର କାହିଁକି ଆଗରୁ ଏହା ଘୋଷଣା କରୁ ନଥିଲେ ବୋଲି କଂଗ୍ରେସ ପାଲଟା ପ୍ରଶ୍ନ କରିଛି । ବିଜେପି ସରକାର ରାଜସ୍ଥାନରେ ୩ ଥର ବିଦ୍ୟୁତ ଶୁଳ୍କ ବୃଦ୍ଧି କରିଥିବା ବେଳେ ଲୋକ ବିଦ୍ୟୁତ କାଟରୁ ତ୍ରାହି ପାଇ ନଥିବା କଂଗ୍ରେସ ପକ୍ଷୁର ଅଭିଯୋଗ କରାଯାଇଛି ।