ସମାଜ ଡିଜିଟାଲ ଡେସ୍କ: ଛତିଶଗଡ଼ର ଭିଲାଇ ସହରରେ ସୋମବାର ପ୍ରବର୍ତ୍ତନ ନିର୍ଦେଶାଳୟ (ଇଡି) ଟିମ ଉପରେ ଆକ୍ରମଣ ହୋଇଛି। ଇଡି ଟିମ ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବଘେଲଙ୍କ ଘରେ ଚଢ଼ାଉ କରି ଫେରିବା ସମୟରେ ତାଙ୍କ ସମର୍ଥକମାନେ ଇଡି ଅଧିକାରୀମାନଙ୍କ ଗାଡ଼ି ଉପରକୁ ଟେକାପଥର ମାଡ଼ କରିଥିଲେ। ପଥର ମାଡ଼ କରିଥିବା କିଛି ଯୁବକଙ୍କୁ ସୁରକ୍ଷାକର୍ମୀମାନେ ଅଟକ ରଖିଥିବା ସୂଚନା ମିଳିଛି।
ସୂଚନା ଅନୁସାରେ, ମଦ ଦୁର୍ନୀତି ମାମଲାରେ ଭୂପେଶ ବଘେଲଙ୍କ ପୁଅ ଚୈତନ୍ୟ ବଘେଲଙ୍କ ବିଭିନ୍ନ ଠିକଣାରେ ଇଡି ଟିମ ପକ୍ଷରୁ ସୋମବାର ଚଢ଼ାଉ କରାଯାଇଥିଲା। ତେଣୁ ଇଡି ଅଧିକାରୀମାନେ ଭୂପେଶ ବଘେଲଙ୍କ ଘରେ ବି ଚଢ଼ାଉ କରିଥିଲା। ଏହି ଖବର ମିଳିବା ପରେ ବଘେଲଙ୍କ ସମର୍ଥକମାନେ ତାଙ୍କ ଘର ବାହାରେ ରୁଣ୍ଢ ହୋଇ ବିରୋଧ ପ୍ରଦର୍ଶନ କରିଥିଲେ। ଅଧିକାରୀମାନେ ଚଢ଼ାଉ ସାରି ଘରୁ ବାହାରିବା ସମୟରେ ସେମାନଙ୍କ ଗାଡ଼ିକୁ ଆକ୍ରମଣ କରିଥିଲେ। ଅନ୍ୟପଟେ ଭୂପେଶ କହିଛନ୍ତି, ସେ କାହାକୁ ଡରନ୍ତି ନାହିଁ। ତାଙ୍କ ଦେହରେ କେହି ହାତ ଦେଇପାରିବେ ନାହିଁ। ଇଡି ତଦନ୍ତକୁ ସେ ଭୟ କରୁନାହାନ୍ତି ବୋଲି କହିଛନ୍ତି।
Comments are closed.