କସରଗଡ : ପରୀକ୍ଷାର୍ଥୀଙ୍କ ଆଡମିଟ୍ କାର୍ଡ ବା ହଲ୍ ଟିକଟ୍ ଚିଲ ନେଇଯିବା ଭଳି ଏକ ଆଶ୍ଚର୍ଯ୍ୟଜନକ ଘଟଣା କେରଳର କସରଗଡରେ ଘଟିଛି। ମାତ୍ର ପରୀକ୍ଷାର କିଛି ମୁହୂର୍ତ୍ତ ପୂର୍ବରୁ ଚିଲଟି ଆଡମିଟ୍ କାର୍ଡ ପକାଇ ଦେବାରୁ ପରୀକ୍ଷାର୍ଥୀ ଜଣଙ୍କ ପରୀକ୍ଷା ଦେଇ ପାରିଥିଲେ। କେରଳ ପବ୍ଲିକ ସର୍ଭିସ କମିସନ (ପିଏସ୍ସି) ପରୀକ୍ଷା ଦେବାକୁ କସରଗଡ ସରକାରୀ ଉଚ୍ଚ ବିଦ୍ୟାଳୟକୁ ଜଣେ ପ୍ରାର୍ଥୀ ଗୁରୁବାର ସକାଳେ ଆସିଥିଲେ। ୭ଟା ୩୦ରେ ପରୀକ୍ଷା ଆରମ୍ଭ ହେବାକୁ ଥିବାବେଳେ ପ୍ରାର୍ଥୀ ଜଣଙ୍କ ଆଗୁଆ ଆସି ପହଞ୍ଚି ଯାଇଥିଲେ। ସେ ତାଙ୍କ ଆଡମିଟ୍ କାର୍ଡ ପାଖରେ ରଖି ପରୀକ୍ଷା ପାଇଁ ପଢାପଢି କରୁଥିଲେ। ଏହି ସମୟରେ ଏକ ଚିଲ ଆସି ଆଡମିଟ୍ କାର୍ଡଟିକୁ ନେଇ ଯାଇଥିଲା।
केरल के कासरगोड में एक अनोखी घटना ने सबको हैरान कर दिया. गुरुवार सुबह को केरल लोक सेवा आयोग की परीक्षा देने आए एक अभ्यर्थी के साथ कुछ ऐसा हुआ कि वहां मौजूद 300 से अधिक लोग दंग रह गए. परीक्षा शुरू होने से ठीक पहले एक चील ने झपट्टा मारकर अभ्यर्थी का हॉल टिकट छीन लिया. pic.twitter.com/WcuKPzL45m
— GARIMA SINGH (@azad_garima) April 10, 2025
ଚିଲଟି ଆଡମିଟ୍ କାର୍ଡକୁ ଧରି ବିଦ୍ୟାଳୟର ଏକ ଝରକା ଉପରେ ବସିଥିଲା। ଏହି ଘଟଣା ଅନ୍ୟ ପରୀକ୍ଷାର୍ଥୀ ଓ ଉପସ୍ଥିତ ସାଧାରଣ ଜନତାଙ୍କ ମଧ୍ୟରେ ଏକ ଆଲୋଚନାର ବିଷୟ ହୋଇଥିଲା। ତେବେ ଚିଲଟିକୁ କେହି ଘଉଡାଇ ନଥିଲେ। ପରୀକ୍ଷା ଆରମ୍ଭ ହେବାର ଅଳ୍ପ କିଛି ସମୟ ପୂର୍ବରୁ ଚିଲଟି ଧରିଥିବା ଆଡମିଟ୍ କାର୍ଡଟିକୁ ତଳେ ପକାଇ ଦେଇଥିଲା। ଫଳରେ ପରୀକ୍ଷାର୍ଥୀ ଜଣଙ୍କ ଆଡମିଟ୍ କାର୍ଡ ଧରି ପରୀକ୍ଷା ହଲ୍କୁ ଦୌଡିଥିଲେ ଓ ପରୀକ୍ଷା ଦେଇଥିଲେ। ଘଟଣା ସମ୍ପର୍କିତ ଭିଡିଓ ସୋସିଆଲ ମିଡିଆରେ ପ୍ରସାରିତ ହୋଇଛି। ତେବେ ଯେଉଁ ପରୀକ୍ଷାର୍ଥୀଙ୍କ କ୍ଷେତ୍ରରେ ଏପରି ଘଟଣା ଘଟିଛି ସେ ଗଣମାଧ୍ୟମକୁ କିଛି କହି ନାହାନ୍ତି କି ତାଙ୍କ ପରିଚୟ ମଧ୍ୟ ଜଣାପଡିନାହିଁ।
Comments are closed.