ଦ୍ୱାରଶୁଣି ଘଟିର ସମ୍ପ୍ରସାରଣ ଓ ମରାମତି ଦାବିରେ ରାଜପଥ ଅବରୋଧ; ୪୯ ନମ୍ବର ରାଜପଥ ବନ୍ଦ କଲା ଭଞ୍ଜସେନା

ଦ୍ୱାରଶୁଣି: ମୟୂରଭଞ୍ଜ ଜିଲ୍ଲା ଦୁଆରଶୁଣି ଘାଟିରେ ପ୍ରାୟ ପ୍ରତିଦିନ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିବା ସହତ ଦୁର୍ଘଟଣାରେ ପ୍ରାୟତଃ ଗୋଟେ ଗୋଟେ ପରିବାର, ସଦସ୍ୟ ବିହୀନ ହୋଇଯିଵା ଭଳି କରୁଣ ଚିତ୍ର ଆଜି ତୀବ୍ର ଜନ ଅସନ୍ତୋଷର ରୂପ ନେଇଛି । ବାଙ୍ଗରିପୋଷୀ ବଣିକ ସଙ୍ଘ ତରଫରୁ ଆଜି ବାଙ୍ଗରିପୋଷୀ ବନ୍ଦ ଥିବା ବେଳେ ସ୍ଥାନୀୟ ଯୁବକ ସଙ୍ଘ ଏବଂ ଭଞ୍ଜସେନା ତରଫରୁ ୪୯ ନମ୍ବର ରାଜପଥକୁ ବନ୍ଦ ରଖାଯାଇଛି । ବିପଦସଂକୁଳନ ଅବସ୍ଥାରେ ଥିବା ଦ୍ୱାରଶୁଣି ଘାଟିର ତୁରନ୍ତ ମରାମତି ସହିତ ସଂପ୍ରସାରଣ କରିବା ଦାବି ଏନ.ଏଚ-୪୯ ଉପରେ ସକାଳ ୬ ଘଟିକା ଠାରୁ ବନ୍ଦ ରହିଛି । ସ୍ଥାନୀୟ ପୁଲିସ ପ୍ରଶାସନ ଘଟଣାସ୍ଥଳରେ ପହଂଚିଵା ସହିତ କୌଣସି ଅପ୍ରିତିକାର ପରିସ୍ଥିତି ନିୟନ୍ତ୍ରଣ କରିବା ପାଇଁ ପଦକ୍ଷେପ ଗ୍ରହଣ କରିଛି l