ନୂଆଦିଲ୍ଲୀ : ଇଟଲୀର ସୁପର ବାଇକ୍ ନିର୍ମାତା ଡୁକାଟି ତରଫରୁ ଭାରତୀୟ ବଜାରରେ ଅନେକ ବାଇକ୍ ବିକ୍ରି କରାଯାଏ । କମ୍ପାନୀ ଏବେ ନିଜ ଦମଦାର ବାଇକର ଡାର୍କ ଏଡିସନ ଭାରତରେ ଲଞ୍ଚ୍ କରିଦେଇଛି । ଆସନ୍ତୁ ଜାଣିବା ଏଥିରେ କି କି ନୂଆ ଫିଚର୍ ରହିଛି ।
ଡୁକାଟି ୨୦୨୫ ସ୍କ୍ରାମ୍ବଲର ଆଇକନ୍ ଡାର୍କ ବାଇକ୍ ନେଇଆସିଛି । ଏଥିରେ ବାଇକକୁ ସମ୍ପୂର୍ଣ୍ଣ କଳା ରଙ୍ଗର ଥିମ୍ ଦିଆଯାଇଛି । ଭାରତୀୟ ଗ୍ରାହକଙ୍କ ପାଇଁ ନୂଆ ସ୍କ୍ରାମ୍ବଲର ଆଇକନ୍ ଡାର୍କ ଆଣି ଉତ୍ସାହିତ ଥିବା କହିଛନ୍ତି ଡୁକାଟି ଇଣ୍ଡିଆର ଏମଡି ବିପୁଳ ଚନ୍ଦ୍ରା । ଭାରତୀୟ ଗ୍ରାହକଙ୍କ ହୃଦୟରେ ଏହା ଏକ ସ୍ବତନ୍ତ୍ର ସ୍ଥାନ ରଖିପାରିଛି ।
ଏଥିରେ ୮୦୩ ସିସିର ଏୟାର କୁଲ୍ଡ ଟ୍ବିନ୍ ଇଞ୍ଜିନ୍ ଦିଆଯାଇଛି । ଏହା ୭୩ ହର୍ସ ପାଓ୍ବର ଓ ୬୫.୨ ନ୍ୟୁଟନ ମିଟର ଟର୍କ ଉତ୍ପନ କରେ । ବାଇକରେ ୬ ସ୍ପିଡ୍ ଗିୟରବକ୍ସ ଦିଆଯାଇଛି । ଏଥିରେ ୧୭ ଓ ୧୮ ଇଞ୍ଚର ଆଲୟ ହ୍ବିଲ୍ ଦିଆଯାଇଛି । କମ୍ପାନୀ ଏହାକୁ ୯.୯୭ ଲକ୍ଷ ଟଙ୍କାର ଏକ୍ସ ଶୋରୁମ୍ ଦାମରେ ଲଞ୍ଚ୍ କରିଛି । ଗ୍ରାହକ ଏହାକୁ ଅନଲାଇନ୍ ବା ଅଫଲାଇନରେ ବୁକ୍ କରିପାରିବେ ।
Comments are closed.