ବଲାଙ୍ଗୀର: ସରପଞ୍ଚଙ୍କ ଟ୍ରାକ୍ଟର ଚଳାଉଥିଲେ ନାବାଳକ। ଟ୍ରାକ୍ଟର ଓଲଟି ନାବାଳକ ଚାଳକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ଏପରି ଏକ ଅଭାବନୀୟ ଘଟଣା ଘଟିଛି ବଲାଙ୍ଗୀର ଜିଲା ଲୋଇସିଂହା ଥାନା ବାଦୀବାହାଲ ପଞ୍ଚାୟତ ଅଗଲାପାଳି ଗାଁରେ। ସୂଚନା ଅନୁସାରେ ଗାଁରେ ବସୁଧା ଯୋଜନାରେ ସରକାରୀ କାମ ଚାଲିଛି। ସରକାରୀ କାମରେ ଲାଗିଥିଲା ବାଦୀବାହାଲ ପଞ୍ଚାୟତ ସରପଞ୍ଚ ପ୍ରସନ୍ନ ତ୍ରିପାଠୀଙ୍କ ଟ୍ରାକ୍ଟର। ସରପଞ୍ଚ ସେହି ଟ୍ରାକ୍ଟରରେ ମନୁ ଦାଶ ନାମକ ଜଣେ ବାପା ଛେଉଣ୍ଡ ନାବାଳକକୁ ଚାଳକ ଭାବେ କାମ କରାଉଥିଲେ। କାମ ଚାଲୁଥିବା ସମୟରେ ଟ୍ରାକ୍ଟର ଓଲଟି ପଡ଼ିବାରୁ ନାବାଳକର ଜୀବନ ଯାଇଛି। ପୁଲିସ ଘଟଣାର ତଦନ୍ତ କରୁଥିବା ସୂଚନା ମିଳିଛି।
Comments are closed.