ଗଞ୍ଜାମ : ବର୍ତ୍ତମାନ ପ୍ରବଳ ଗ୍ରୀଷ୍ମ ପ୍ରବାହ ଯୋଗୁଁ ଲୋକମାନେ ଅସ୍ତବ୍ୟସ୍ତ ହେଉଥିବା ବେଳେ ଗଞ୍ଜାମ ବ୍ଲକର ବିଭିନ୍ନ ଅଂଚଳକୁ ବସୁଧା ଯୋଜନାରେ ଯୋଗାଣ ହେଉଥିବା ପାନୀୟ ଜଳ କିଛି ଦିନ ଧରି ବନ୍ଦ ହୋଇଯାଇଛି । ଯାହାକୁ ନେଇ ଲୋକଙ୍କ ଖରାଦିନେ ସମସ୍ୟା ଦ୍ଵିଗୁଣ ହୋଇଛି l ପାନୀୟ ଜଳ ପାଇଁ ଲୋକଙ୍କୁ ଅଧିକ କଷ୍ଟ ହେଲାଣି । କେତେକ ଅଂଚଳରେ ଲୋକମାନେ ଦୂର ଦୁରାନ୍ତକୁ ସାଇକେଲ, ମୋଟର ସାଇକେଲ ଯୋଗେ ଯାଇ ପାଣି ଆଣୁଥିବା ଦେଖିବାକୁ ମିଳିଛି । ଯାହାକୁ ନେଇ ଲୋକଙ୍କ ମଧ୍ୟରେ ଘୋର ଅସନ୍ତୋଷ ଦେଖିବାକୁ ମିଳିଛି । ଏହି ସମସ୍ୟା ସମ୍ପର୍କରେ ପ୍ରଶାସନ ପକ୍ଷରୁ କୌଣସି ବିକଳ୍ପ ବ୍ୟବସ୍ଥା କରାଯାଇନାହିଁ । ଅନ୍ୟପଟେ ନିର୍ବାଚିତ ପ୍ରତିନିଧିଙ୍କ ଏହି ସମସ୍ୟା ପ୍ରତି ମଧ୍ୟ ଆନ୍ତରିକ ଅଭାବ ରହିଥିବା ଜଣାପଡୁଛି । ସୂଚନା ଯୋଗ୍ୟ ଯେ ଗତ କିଛି ଦିନ ହେଲା ମେଗା ପାନୀୟ ଜଳ ପ୍ରକଳ୍ପ ବସୁଧା ମାଧ୍ୟମରେ ପାନୀୟ ଜଳ ଯୋଗାଣ ବନ୍ଦ ରହିଛି । ଖାରି ପାଣି ଆସିବା ଯୋଗୁଁ ବିଭାଗୀୟ କତୃପକ୍ଷ ତାହାକୁ ବନ୍ଦ ରଖିଛନ୍ତି । ତାହାକୁ ମାଇକି ଯୋଗେ ଲୋକଙ୍କୁ କୁହାଯାଇଛି। ପାଣି ବନ୍ଦ ହେବା ପରେ ଲୋକମାନେ ନାହିଁ ନଥିବା ଅସୁବିଧାରେ ସମୁଖୀନ ହେଉଛନ୍ତି । ଲୋକମାନେ ବର୍ତ୍ତମାନ ବଟେଶ୍ୱର ନିକଟରେ ନଳକୂଅରୁ ଯାଇ ପାଣି ଆଣୁଛନ୍ତି । ତୁରନ୍ତ ଏହାର ସମାଧାନ ପାଇଁ ସର୍ବସାଧାରଣରେ ଦାବି ହେଉଛି ।
Comments are closed.