ସମାଜ ଡିଜିଟାଲ ଡେସ୍କ: ବର୍ମିଂହାମ ଟେଷ୍ଟରେ ଇଂଲଣ୍ଡ ବିପକ୍ଷରେ ଭାରତ ବିଜୟୀ ହେବା ଲାଗି ରବିବାର ଗୋଟିଏ ଦିନ ଏବଂ ୭ଟି ଉଇକେଟ ବାକି ରହିଛି। ହେଲେ ଭାରତର ଏହି ସ୍ଵପ୍ନ ବର୍ଷାରେ ଧୋଇଯିବ କି ବୋଲି ପ୍ରଶ୍ନ ଉଠିଲାଣି। କାରଣ ଖେଳ ଶେଷ ହେବାକୁ ରବିବାର ଗୋଟିଏ ଦିନ ବାକି ଥିବାବେଳେ ଆକାଶକୁ ବାଦଲ ଘୋଡ଼ାଇ ରଖିଛି।
ଘରୋଇ ଇଂଲଣ୍ଡ ଦଳ ୪ର୍ଥ ଦିବସ ଖେଳ ଶେଷ ସୁଦ୍ଧା ୩ ଉଇକେଟ ହରାଇ ୭୨ ରନ ସଂଗ୍ରହ କରିଛି। ଭାରତ ପକ୍ଷରୁ ଧାର୍ଯ୍ୟ ୬୦୮ ରନର ବିଜୟ ଲକ୍ଷ୍ୟ ଇଂଲଣ୍ଡ ପାଇଁ କଷ୍ଟସାଧ୍ୟ ହୋଇଥିବାବେଳେ ଘରୋଇ ଦଳ ଏହାକୁ ଅମିମାଶିଂତ ରଖିବାକୁ ପ୍ରାଣପଣେ ଉଦ୍ୟମ ଜାରି ରଖିବ। ସେପଟେ ପ୍ରଥମ ମ୍ୟାଚରେ ପରାଜିତ ହୋଇଥିବା ଭ୍ରମଣକାରୀ ଟିମ ଇଣ୍ଡିଆ ଏହି ମ୍ୟାଚରେ ବିଜୟ ସହ ସିରିଜ ବରାବର କରିବାକୁ ଆଶା ରଖିଛି। ମ୍ୟାଚ ବିଜୟ ପାଇଁ ଇଂଲଣ୍ଡକୁ ଆଉ ୫୩୬ ରନ ଦରକାର ଥିବାବେଳେ ଭାରତକୁ ଦରକାର ୭ ଉଇକେଟ। ମ୍ୟାଚରେ ନେତୃତ୍ଵ ନେଉଥିବା ଅଧିକାୟକ ଶୁବମନ ଗିଲ ଦଳର ବିଜୟ ସ୍ଵପ୍ନ ଦେଖୁଛନ୍ତି। ହେଲେ ଏସବୁ ଉପରେ ବିପଦ ସୃଷ୍ଟି କରିଛି ବର୍ଷା। ଅନ୍ତିମ ଦିନରେ ଏଜବାଷ୍ଟନ ସହରରେ ବର୍ଷା ବାଦଲ ଆକାଶକୁ ଘୋଡ଼ାଇ ରଖିଛି। ବର୍ଷା ଯଦି ଅଧିକ ସମୟ ଲାଗି ରୁହେ, ତେବେ ଅନ୍ତିମ ଦିନ ମ୍ୟାଚକୁ ବାତିଲ କରିବାକୁ ପଡ଼ିବ। ଫଳରେ ଏହା ଅମିମାଶିଂତ ରହିବ। ଯାହା ଭାରତୀୟ କ୍ରିକେଟପ୍ରେମୀଙ୍କୁ ବେଶ୍ ଆଘାତ ଦେବ।
Comments are closed.