ଆଠଗଡ : ରାଜ୍ୟ ସରକାରଙ୍କ ନିର୍ଦ୍ଦେଶ ମୁତାବକ ଆଠଗଡ ବ୍ଲକର ବ୍ରହ୍ମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ଗତ ୨୪ତାରିଖରୁ ପ୍ରତି ଗ୍ରାମରେ ଘରକୁ ଘର ବୁଲି ଥଣ୍ଡା, ଜ୍ୱର ଓ କରୋନା ରୋଗର ଅନ୍ୟ ଲକ୍ଷଣ ସଂପର୍କରେ ସବେକ୍ଷଣ କାର୍ଯ୍ୟ ଜାରି ରହିଛି। ବ୍ରହ୍ମପୁର ସିଏଚସି ଅଧିକ୍ଷକ ଡାକ୍ତର ଦିଲ୍ଲୀପ କୁମାର ଦାସଙ୍କ ପ୍ରତ୍ୟକ୍ଷ ପରିଚାଳନାରେ ଚାଲିଥିବା ଏହି କାର୍ଯ୍ୟର ଅଗ୍ରଗତି ସଂପର୍କରେ ଜେନାପଦା ସେକ୍ଟରସ୍ତରୀୟ, ସମୀକ୍ଷା ବୈଠକ ଓ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଜେନାପଦା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ସଭାଗୃହରେ ଏହି ସବେକ୍ଷଣ କାର୍ଯ୍ୟରେ ନିୟୋଜିତ ସ୍ୱାସ୍ଥ୍ୟକର୍ମୀ, ଆଶା ଓ ଅଙ୍ଗନବାଡି କର୍ମୀ ଉପସ୍ଥିତ ଥିଲେ। କରୋନାର ଭୟଙ୍କର ସଂକ୍ରମଣକୁ ଦୃଷ୍ଟିରେ ରଖି ଏହି ସମ୍ମୁଖ ଯୋଦ୍ଧାମାନେ ଘରକୁ ଘର ବୁଲି କରୋନା ଲକ୍ଷଣ ଥିବା ଲୋକଙ୍କ ସ୍ୱାସ୍ଥ୍ୟାବସ୍ଥା ଯାଞ୍ଚ କରିବା ସହ ସେମାନଙ୍କର ପରୀକ୍ଷା କରାଇବା ଉପରେ ଗୁରୁତ୍ୱାରୋପ କରାଯାଇଥିଲା ଏଥିସହିତ ଶ୍ୱାସ, ଅଣସଂକ୍ରମଣ ରୋଗ ଯଥା ମଧୁମେହ, ଉଚ୍ଚ ରକ୍ତଚାପ, ବୃକକ୍ ଜନିତ ରୋଗ, କର୍କଟ, ମାନସିକ ଅନଗ୍ରସର ରୋଗୀ, ବୟସ୍କ ବ୍ୟକ୍ତି ଗର୍ଭବତୀ ମହିଳା ଓ ଶିଶୁମାନଙ୍କୁ କିପରି କରୋନା ରୋଗରୁ ରକ୍ଷା କରାଯାଇପାରିବ ସେ ଦିଗରେ ଏହି ସମ୍ମୁଖ ଯୋଦ୍ଧାମାନଙ୍କୁ ତାଲିମ ଦେବା ସହ ଏହି କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ପରାମର୍ଶ ଦିଆଯାଇଥିଲା। ବ୍ରହ୍ମପୁର ସିଏଚସିର ତ୍ୱରିତ୍ କାର୍ଯ୍ୟାନୁଷ୍ଠାନ ଦଳର ଡାକ୍ତର ଦୀପକରାଜ, ବ୍ଲକ ବିପିଏମ ପୁଷ୍ପମିତ୍ରା ଦାସ, ପିଏଚଇଓ କବିତାରାଣୀ ଦାସ, ସ୍ୱାସ୍ଥ୍ୟ ପରିଦର୍ଶକ ସୁଭେନ୍ଦୁ କୁମାର ସେନାପତି, ସିଏଚଓ ଅଶୋକ କୁମାର ସାହୁ ପ୍ରମୁଖଙ୍କ ସମେତ ଅନ୍ୟମାନେ ଏହି ବୈଠକରେ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ।
Popular Categories
Previous article
Next article