ନ୍ୟୁୟର୍କ: ଆମେରିକୀୟ କଲେଜଗୁଡିକରୁ ଗ୍ରାଜୁଏସନ୍ କରୁଥିବା ବିଦେଶୀ ଛାତ୍ର ଛାତ୍ରୀଙ୍କୁ ଗ୍ରୀନ୍ କାର୍ଡ ପ୍ରଦାନ କରିବାକୁ ଦେଶର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରତିଶ୍ରୁତି ଦେଇଛନ୍ତି। ଦେଶରେ ରାଷ୍ଟ୍ରପତି ନିର୍ବାଚନ ପୂର୍ବରୁ ଟ୍ରମ୍ପ ଏଭଳି ଘୋଷଣା କରିଛନ୍ତି। ସୂଚନାଯୋଗ୍ୟ ଯେ ପୂର୍ବରୁ ସେ ରାଷ୍ଟ୍ରପତି ଥିବା ସମୟରେ ଉଚ୍ଚ କୁଶଳୀ ଏବଂ ଛାତ୍ରମାନଙ୍କ ନିମନ୍ତେ କଟକଣା ଜାରି କରିଥିଲେ। ସେହି ସମୟରେ ସେ ଆମେରିକୀୟଙ୍କୁ ପରାମର୍ଶ ଦେଇ କେବଳ ଆମେରିକୀୟ ସାମଗ୍ରୀ ଖରିଦ କରିବା ଏବଂ ଆମେରିକୀୟଙ୍କୁ ନିଯୁକ୍ତି ଦେବାକୁ ଆହ୍ବାନ ଦେଇଥିଲେ। ଏବେ ସେ ଉକ୍ତ ନିଷ୍ପତ୍ତିର ସମ୍ପୂର୍ଣ୍ଣ ବିପରୀତ ଘୋଷଣା କରିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ସେ କହିଛନ୍ତି, ଆମେରିକା ଅର୍ଥନୀତିକୁ ସମର୍ଥନ କରିବା ନିମନ୍ତେ ପ୍ରତିଭାମାନଙ୍କୁ ରଖିବାକୁ ହେବ ଏବଂ ଆମେରିକାର ଯେକୋୖଣସି କଲେଜରୁ ଉତ୍ତୀର୍ଣ୍ଣ ହେଉଥିବା ବିଦେଶୀ ଛାତ୍ରଙ୍କୁ ଆପେ ଆପେ ଗ୍ରୀନ୍ କାର୍ଡ ପ୍ରଦାନ କରାଯିବା ଉଚିତ। ସମସ୍ତ କମ୍ୟୁନିଷ୍ଟ, ମୋୖଳବାଦୀ ଇସଲାମିକ, ହମାସ ସମର୍ଥକ, ଆମେରିକାକୁ ଘୃଣା କରୁଥିବା ଲୋକ ଏବଂ ଅଭିଯୋଗ ଥିବା ବ୍ୟକ୍ତିଙ୍କୁ ବାଦ୍ଦେଇ ଅନ୍ୟ ସମସ୍ତ ଉଚ୍ଚ କୁଶଳୀ ଛାତ୍ରଙ୍କ ନିମନ୍ତେ ଏହି ଯୋଜନା ପ୍ରଯୁଜ୍ୟ ହେବ ।
Popular Categories
Previous article
Next article