କରନଲ୍ – -ହରିୟାନାର କରନଲ୍ରେ ଏକ ଅଭାବନୀୟ ଘଟଣା ଘଟିଛି, ପିଟ୍ବୁଲ୍ କୁକୁର ହିଂସ୍ର ହୋଇଥିବାରୁ ସରକାର ଏହି କୁକୁର ପାଳିବା ପାଇଁ କେତକ କଟକଣା ଜାରି କରିଛନ୍ତି । । ଜମିରେ କାମ କରୁଥିବା ଜଣେ ୩୦ ବର୍ଷିୟ ବ୍ୟକ୍ତିଙ୍କୁ ଏକ ପୋଷା ପିଟ୍ ବୁଲ୍ କୁକୁର ଆକ୍ରମଣ କରିଥିଲା । ପିଟ୍ବୁଲ୍ କୁକୁର ଏହି ବ୍ୟକ୍ତିଙ୍କର ସମ୍ବେଦନଶୀଳ ଅଂଶକୁ କାମୁଡି ସହ ଏକ ପ୍ରକାର ଛିଣ୍ଡାଇ ଦେଇଥିଲା । ସେଠାରେ ଥିବା ଲୋକମାନେ ବହୁ କଷ୍ଟରେ ବ୍ୟକ୍ତି ଜଣଙ୍କୁ କୁକୁର କବଳରୁ ଉଦ୍ଧାର କରିଥିଲେ । କୁକୁରକୁ ଠେଙ୍ଗାରେ ପିଟିବାରୁ ସେ ବ୍ୟକ୍ତିଙ୍କୁ ଛାଡିଥିଲା ।
ସେଠାରେ ଉପସ୍ଥିତ ଥିବା ଲୋକମାନେ ବ୍ୟକ୍ତିଙ୍କର ଗୁରୁତର ଅବସ୍ଥା ଦେଖି କୁକୁରକୁ ଠେଙ୍ଗାରେ ପିଟି ପିଟି ମାରିଦେଇଥିଲେ । ଯୁବକଙ୍କ ଅବସ୍ଥା ଗୁରୁତର ଥିବା ଜଣାପଡିଛି । ହରିୟାନା କରନାଲ୍ର ବିଜନା ଗାଁ ନିକଟରେ ୩୦ ବର୍ଷିୟ ଯୁବକ ଜଣ ଖେତରେ କାମ କରୁଥିଲେ । ଏହି ସମୟରେ ପିଟବୁଲ୍ କୁକୁରଟି ଅଚାନକ ତାଙ୍କୁ ଆକ୍ରମଣ କରିଥିଲା । ସେ କିଛି ବୁଝିବା ପୂର୍ବରୁ ତାଙ୍କର ସମ୍ବେଦନଶୀଳ ଅଙ୍ଗକୁ କାମୁଡି ଧରି ଥିଲା । ଯୁବକ ଜଣଙ୍କ ଚିତ୍କାର କରୁଥିଲେ ।
ପାଖରେ କାମ କରୁଥିବା ଲୋକମାନେ ଦୌଡି ଆସି କୁକୁରକୁ ଠେଙ୍ଗାରେ ପିଟିଥିଲେ । ବହୁ କଷ୍ଟରେ ଯୁବକ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ଲୋକଙ୍କ ଠେଙ୍ଗା ମାଡରେ କୁକୁର ମୃତ୍ୟୁ ହୋଇଛି ।
