ଢେଙ୍କାନାଳ: ଢେଙ୍କାନାଳ ଜିଲ୍ଲା ଭୁବନ ଥାନା ୫୩ନଂ ଜାତୀୟ ରାଜପଥ ଶାମଳ ଛକ ନିକଟରେ ଅଭାବନୀୟ ଘଟଣା ଘଟିଛି। ଭାରସାମ୍ୟ ହରାଇ ଏକ ଟାଟା ଏସି ଗାଡି ରାସ୍ତାକଡକୁ ଓଲଟି ପଡଛି। ଏଥିରେ ୧୦ ଜଣ କାଉଡିଆ ଆହତ ହୋଇଥିବା ସୂଚନା ମିଳିଛି। ମିଳିଥିବା ସୂଚନା ଅନୁଯାୟୀ ୧୦ରୁ ଅଧିକ କାଉଡିଆ ଜଳାଭିଷେକ ପାଇଁ କରମୂଳ ଗାଁ ସ୍ଥିତ ଦୌଡେଶ୍ଵରଙ୍କ ପୀଠକୁ ଟାଟାଏସି ଯୋଗେ ଯାଉଥିଲେ। ହଠାତ୍ ଗାଡିଟି ଭାରସାମ୍ୟ ହରାଇ ରାସ୍ତାକଡକୁ ଓଲଟି ପଡିଥିଲା। ଫଳରେ ୧୦ଜଣ କାଉଡିଆ ଆହତ ହୋଇଥିଲେ। ସେମାନଙ୍କୁ ଗୁରୁତର ଅବସ୍ଥାରେ ଭୁବନ ମେଡିକାଲରେ ଭର୍ତ୍ତି କରାଯାଇଥିଲା । କାମାକ୍ଷାନଗର ବିଧାୟକ ମେଡିକାଲରେ ପହଞ୍ଚି କାଉଡିଆଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଛନ୍ତି। ଖବର ପାଇ ଭୁବନ ପୁଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
Comments are closed.