ଆଠଗଡ : ନରସିଂହପୁରସ୍ଥିତ ଡିଆଇଇଟିର ଅଧ୍ୟାପିକା ରାମେଶ୍ୱରୀ ନାୟକ, ରାସରସିକପୁର ଉନ୍ନୀତ ଉପ୍ରା ବିଦ୍ୟାଳୟ ପରିଦର୍ଶନ କରିବା ସହ ବିଦ୍ୟାଳୟର ଶୈକ୍ଷିକ ବାତାବରଣ ଓ ଶିକ୍ଷାଦାନ ଶୈଳୀ ବିଷୟରେ ସମୀକ୍ଷା କରିଥିଲେ । ସରକାରୀ ନିର୍ଦ୍ଦେଶାନାମା ଅନୁଯାୟୀ ପରିଦର୍ଶନରେ ଆସି ଶ୍ରୀମତୀ ନାୟକ ବିଦ୍ୟା ପ୍ରବେଶ, ମୌଳିକ ସାକ୍ଷରତା, ସଂଖ୍ୟା ଜ୍ଞାନ, ଶିକ୍ଷଣ ସାମଗ୍ରୀ ଏବଂ ଶ୍ରେଣୀ କକ୍ଷ ପରିଚାଳନା ବିଷୟରେ ପ୍ରଧାନଶକ୍ଷକ ଏବଂ ଶିକ୍ଷକ-ଶିକ୍ଷୟିତ୍ରୀଙ୍କ ସହ ଆଲୋଚନା କରିଥିଲେ । ସେ ଶିକ୍ଷାର୍ଥୀମାନଙ୍କର ଶିକ୍ଷଣ କାର୍ଯ୍ୟ ଚାଲୁଥିବା ସମୟରେ ଓ ଶିକ୍ଷାଦାନ ସମାପ୍ତ ପରେ କିପରି ବିଦ୍ୟାର୍ଥୀଙ୍କର ଆକଳନ କରାଯିବ ତାହା ଉପରେ ଗୁରୁତ୍ୱ ପ୍ରଦାନ କରିଥିଲେ । ତାଙ୍କର ଏହି ପରିଦର୍ଶନ ସମୟରେ ସିଆରସିସି ମୁରଲୀଧର ସାହୁ ଉପସ୍ଥିତ ରହି ଏହାଦ୍ୱାରା ଶିକ୍ଷାର୍ଥୀମାନଙ୍କର ମୂଳଦୁଆ ସୁଦୃଢ ହୋଇପାରିବ ବୋଲି ମତବ୍ୟକ୍ତ କରିଥିଲେ । ପ୍ରଧାନଶିକ୍ଷକ ଦେବରାଜ ନାୟକ ସରକାରଙ୍କର ଏହି କାର୍ଯ୍ୟକ୍ରମକୁ ବିଦ୍ୟାଳୟରେ ଶିକ୍ଷକ-ଶିକ୍ଷୟିତ୍ରୀମାନେ ଅନୁସରଣ କରିବା ନେଇ ମତ ପ୍ରକାଶ କରିଥିଲେ । ଶିକ୍ଷକ ଶଶଧର ମହାରଣା ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article