ଭୋପାଳ .- ଭାଗ୍ୟ ଦେବୀ କାହାକୁ କେମିତି ପ୍ରସନ୍ନ ହୋଇଥାଆନ୍ତି । ବେଳେ ବେଳେ କଠିନ ପରିଶ୍ରମ ବି ତାହାର ଉପହାର ପ୍ରଦାନ କରିଥାଏ । ଏପରି ଏକ ଘଟଣା ମଧ୍ୟପ୍ରଦେଶରେ ଘଟିଛି । ମଧ୍ୟପ୍ରଦେଶର ପନ୍ନା ଜିଲ୍ଲାର ଜଣେ ଚାଷୀ ସରକାରଙ୍କଠାରୁ ୭୫- ବର୍ଗ ଫୁଟର ଜମି ଲିଜ୍ ଆକାରରେ ନେଇଥିଲେ । ଏହାପରେ ସେ ଜମିକୁ ଖୋଳିବାରେ ଲାଗିଥିଲେ। ପ୍ରାୟ ୨ ବର୍ଷ ଖୋଳିବା ପରେ ତାଙ୍କୁ ଏକକ ହୀରା ମିଳିଛି । ୧୨.୫୮ କ୍ୟାରେଟ୍ର ଏହି ହୀରାର ମୂଲ୍ୟ ୩୦ ଲକ୍ଷ୍ୟ ଟଙ୍କା ହେବ ବୋଲି ଆକଳନ କରାଯାଇଛି ।
ପନ୍ନା ଜିଲାର ଜନକପୁର ଗ୍ରାମର ପ୍ରକାଶ ଶର୍ମାନାମକ ଜଣେ ମଧ୍ୟମ ଧରଣର ଚାଷୀ ସରକାରଙ୍କଠାରୁ ଏକ ଜମି ଲିଜ୍ ଆକାରରେ ନେଇଥିଲେ। ସେହି ଅଞ୍ଚଳରେ ହୀରା ମିଳୁଥିବାରୁ ସେ ହୀରା ଆଶାରେ ଜମିକୁ ଖୋଳିବାରେ ଲାଗିଥିଲେ । ଶ୍ରମକଙ୍କୁ ଖୋଳିବାକୁ କହିଲେ ଅଧିକ ଟଙ୍କା ଦେବାକୁ ପଡିବା ବୋଲି ସେ ନିଜେ ଜମିକୁ ଖୋଳିଥିଲେ। । ୨ ବର୍ଷ ପରେ ପରିଶ୍ରମର ଫଳ ମିଳିଥିଲା । ସେ ୧୨.୫୮ କ୍ୟାରେଟ୍ର ହୀରା ପାଇଥିଲେ। ଏହାପରେସେ ଏହାକୁ ପାନ୍ନା ଜିଲା ସରକାରୀ ହୀରା କେନ୍ଦ୍ରରେ ଦାଖଲ କରିଥିଲେ । ଏହାର ମୂଲ୍ୟ ପ୍ରାୟ ୩୦ ଲକ୍ଷଟଙ୍କା ହେବ ବୋଲି କେନ୍ଦ୍ରର ମୁଖ୍ୟ ସନ୍ତୋଷ ସିଂ କହିଛନ୍ତି । ପ୍ରକାଶ ଶର୍ମା ଏଥିରୁ ୮୯ ପ୍ରତିଶତ ପାଇବାକୁ ଥିବାବେଳେ ସରକାରୀ ତହବିଲ୍କୁ ୧୧ ପ୍ରତିଶତ ଯିବ ।