ଢେଙ୍କାନାଳ ସଦର: ଢେଙ୍କାନାଳ ସଦର ଥାନା ଅନ୍ତର୍ଗତ ପୁରୁଣା କଟକ-ସମ୍ବଲପୁର ରାସ୍ତାର ଶଙ୍କରପୁର-ଭାପୁର ରାସ୍ତାରୁ ପୁଲିସ୍ ୨ଟି ଗୋରୁ ବୋଝେଇ ମିନି ଟ୍ରକ୍ ଜବତ କରିଛି। ଜବତ ମିନିଟ୍ରକରେ ୨୫ଟି ଗୋରୁ ଚାଲାଣ ହେଉଥିଲା। ଏହି ଘଟଣାରେ ପୁଲିସ୍ ୪ ଜଣଙ୍କୁ ଗିରଫ କରିବା ସହ ୨ଟି ମିନିଟ୍ରକକୁ ଜବତ କରିଛି।
ପ୍ରକାଶ ଯେ, ସଦର ଥାନା ଅନ୍ତର୍ଗତ ତାଳବରକୋଟରୁ ତିଗିରିଆକୁ ୨ଟି ମିନିଟ୍ରକ୍ ଯୋଗେ ଗୋ ଚାଲାଣ ହେଉଥିବା ଖବର ପାଇ ଭାପୁର ଓ ସଦର ଥାନା ପୁଲିସ୍ କର୍ମଚାରୀ ପିଛା କରି ଶଙ୍କରପୁର ନିକଟରୁ ମିନିଟ୍ରକ୍ ୨ଟିକୁ ଜବତ କରିଛନ୍ତି। ଜବତ ଗାଡିରୁ ୨୫ଟି ଗୋରୁଙ୍କୁ ଉଦ୍ଧାର କରାଯିବା ସହ ଗୋଟିଏ ମୃତ ଗୋରୁ ଉଦ୍ଧାର ହୋଇଛି । ଘଟଣା ସ୍ଥଳରେ ବରିଷ୍ଠ ପୁଲିସ୍ ଅଧିକାରୀଙ୍କ ଭାପୁର ଫାଣ୍ଡି ଅଧିକାରୀ ଏବଂ ପ୍ରାଣୀ ଚିକିତ୍ସକ ଡାକ୍ତର ଲକ୍ଷ୍ମୀ ନନ୍ଦ ପହଞ୍ଚିଛନ୍ତି।
ଏହି ଘଟଣାରେ ପୁଲିସ୍ କଟକ ଜିଲା ବଡମ୍ବା ଥାନା ଅନ୍ତର୍ଗତ କୋଟପାଳ ଗ୍ରାମର ସର୍ବାର ଖାଁ, ଉତ୍ତରପ୍ରଦେଶ ଆଗ୍ରା ରାମବାଗ ରୋଡର ଆସିଫ୍ ଖାଁ, ତାଳବରକୋଟର ଫିରୋଜ ଖାନ୍ ଏବଂ ମଥହର ଖାଁକୁ ପୁଲିସ୍ ଗିରଫ କରିଛି । ମୃତ ଗାଈକୁ ଆସନ୍ତାକାଲି ବ୍ୟବଚ୍ଛେଦ କରାଯିବ ବୋଲି ପୁଲିସ୍ ପ୍ରକାଶ କରିଛି ।
