ଧର୍ମଗଡ଼: ଧର୍ମଗଡ଼ ଉପଖଣ୍ଡ ଚିକିତ୍ସାଳୟରେ ଅଭାବନୀୟ ଘଟଣା । ଚିକିତ୍ସା ପାଇଁ ଆସିଥିବା ଜଣେ ରୋଗୀଙ୍କୁ ଜଣେ ଡାକ୍ତର ବାଡ଼ାଇଥିବା ଅଭିଯୋଗ ହୋଇଛି । ଏନେଇ ଏକ ଭିଡିଓ ସେସିଆଲ ମିଡ଼ିଆରେ ଭାଇରୋଲ ହେଉଛି । ଯେଉଁଥିରେ ଡାକ୍ତର ଜଣକ ରୋଗୀ ଜଣଙ୍କୁ ମାଡ଼ ମାରିବା ସହ ତଳେ ପକାଇଦେଉଛନ୍ତି । ଖାଲି ହାତରେ ନୁହେଁ ଡାକ୍ତର ଜଣକ ଏକ ବଡ଼ ବାଡ଼ିରେ ମଧ୍ୟ ରୋଗୀ ଜଣଙ୍କୁ ବାଡ଼ାଉଥିବା ଦେଖିବାକୁ ମିଳିଛି । ଘଟଣାକୁ ନେଇ ଧର୍ମଗଡ଼ ସହରରେ ଉତ୍ତେଜନା ଲାଗି ରହିଛି । ଲୋକମାନେ ଡାକ୍ତରଙ୍କ ଗିରଫ ଦାବିରେ ଧର୍ମଗଡ଼-ରାୟପୁର ଜାତୀୟ ରାଜପଥ ଅବରୋଧ କରିଛନ୍ତି । ସୂଚନା ମୁତାବକ ଧର୍ମଗଡ଼ ବସ୍ତିପଡ଼ାର ଜଣେ ଯୁବକ ପେଟ ବଥା ହେବାରୁ ଡାକ୍ତରଖାନା ଆସିଥିଲେ । ଯୁବକ ଜଣକଙ୍କ ପେଟରେ ଖୁବ୍ ଅଧିକ ଯନ୍ତ୍ରଣା ହେବାରୁ ସେ ଚିତ୍କାର କରିଥିଲେ । ହେଲେ ଡାକ୍ତର ଜଣକ କାହିଁକି ଚିତ୍କାର କରୁଛୁ ବୋଲି କହି ମାଡ଼ ମାରିଥିଲେ ବୋଲି ଅଭିଯୋଗ ହୋଇଛି । ପରେ ସମ୍ପୃକ୍ତ ଅଞ୍ଚଳରେ ଏନେଇ ଉତ୍ତେଜନା ଲାଗି ରହିବାରୁ ଘଟଣାସ୍ଥଳରେ ପୁଲିସ ପହଞ୍ଚି ଡାକ୍ତରଙ୍କୁ ଥାନାରେ ଅଟକ ରଖିଥିବା ସୂଚନା ମିଳିଛି ।
Popular Categories
Previous article
Next article