ସିନ୍ଧେକେଲା: ବଲାଙ୍ଗିର ଜିଲ୍ଲା ଅନ୍ତର୍ଗତ ସିନ୍ଧେକେଲା ବିରାଟ ଧନୁଯାତ୍ରା ମହୋତ୍ସବର ପଞ୍ଚମ ଦିବସରେ ଗୋପପୁର ଭାବେ ଚିତ୍ରିତ ତେଲସରାଇ ଗ୍ରାମ ଠାରେ କୃଷ୍ଣ ଲୀଳାର ବିଭିନ୍ନ ଦୃଶ୍ୟ ସାଙ୍ଗକୁ ଗୋପିଙ୍କ ଦଧି ବିକା ତଥା ସୁଜାନ ବନ୍ଧରେ ନାବକେଳି ଏବଂ ଗୋପୀଙ୍କ ବସ୍ତ୍ର ହରଣ ଆଦି ଦୃଶ୍ୟ ଅତ୍ୟନ୍ତ ନିଖୁଣ ଭାବରେ ଅଭିନୀତ ହୋଇଥିବା ବେଳେ ଅନ୍ୟପଟେ ମଥୁରା ନଗରୀରେ ମହାରାଜ କଂସଙ୍କ ନଗର ଭ୍ରମଣ, କଂସ ଚିନ୍ତିତ, ନାରଦଙ୍କ ଆଗମନ, ରଙ୍ଗସଭା ପାଇଁ ଆମନ୍ତ୍ରଣ, ରଙ୍ଗସଭା ଆୟୋଜନ, ଧନୁ ଯାତ୍ରାରମ୍ଭ, ନାରଦଙ୍କ ଧନୁଯାତ୍ରା ପ୍ରଚାର, ଅକୃରଙ୍କୁ ଗୋପକୁ ପ୍ରେରଣ ଆଦି ଦୃଶ୍ୟ ବେଶ୍ ଉଚ୍ଚକୋଟିର ହୋଇପାରିଥିଲା।
କଂସ ଦରବାରରେ ରାଜକୀୟ ଅତିଥି ଭାବରେ ଟିଟିଲାଗଡ ପୂର୍ବତନ ନଗରପାଲ ଶୁଭ୍ରାଂସୁ ଦାଶ, କଣ୍ଟାବାଞି କଲେଜ ଓଡିଆ ଅଧ୍ୟାପକ, ସଂଜୟ ମିଶ୍ର, ଅବସର ପ୍ରାପ୍ତ ଆର୍ମି ଅଧିକାରୀ ତଥା ମାନବିକ ଅଧିକାର କର୍ମୀ କାହ୍ନୁ ଚରଣ ମିଶ୍ର, ଦେଢଗାଁ ସରପଞ୍ଚ ପ୍ରତିନିଧି ଶୁସିଲ କୁମାର ସାହୁ ପ୍ରମୁଖ ଯୋଗଦେଇ ଶାନ୍ତି ଶୃଙ୍ଖଳା ଓ ସ୍ୱଚ୍ଛ ସୁନ୍ଦର ଭାବରେ ସିନ୍ଧେକେଲାରେ ଧନୁଯାତ୍ରା ଆୟୋଜନକୁ ଦେଖି ଆୟୋଜକ କମିଟିର ବହୁ ପ୍ରଶଂସା କରିବା ସହ ଆଗାମୀ ବର୍ଷମାନଙ୍କରେ ଏହି ଯାତ୍ରାଟି ଆହୁରୀ ଆଗକୁ ବଢୁ ବୋଲି ମାଁ ଦ୍ୱାରସେହ୍ନି ଦେବୀଙ୍କ ନିକଟରେ ପ୍ରାର୍ଥନା କରିଥିଲେ।
