ଗୁରୁଡିଝାଟିଆ : ସେବାଶ୍ରୀ ସଂଗଠନ ପକ୍ଷରୁ ପ୍ରସିଦ୍ଧ ଶୈବପୀଠ ଧବଳେଶ୍ୱରରେ ଜାତିର ଜନକ ମହାତ୍ମାଗାନ୍ଧୀଙ୍କ ଜୟନ୍ତୀ ଅବସରରେ ସ୍ବଚ୍ଛ ଭାରତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପୀଠ ପରିସରରେ ଥିବା ଅଳିଆ ଆବର୍ଜନାକୁ ସଂଗଠନର ୩୦ରୁ ଅଧିକ ସଦସ୍ୟ ଦୀର୍ଘ ସମୟ ଧରି ସଫାସୁତରା କରିଥିଲେ। ଏପରିକି ଅନାବନା ଗଛଗୁଡିକୁ ମଧ୍ୟ କାଟି ସଫା କରିଥିଲେ। ଏହି ଅବସରରେ ଆଗନ୍ତୁକ ଶ୍ରଦ୍ଦାଳୁମାନଙ୍କୁ ସ୍ୱଚ୍ଛତାର ଭୂମିକା, ଜୀବନ ଚକ୍ରରେ ସ୍ୱଚ୍ଛତାର ପ୍ରାସଙ୍ଗିକତା ସଂପର୍କରେ ସଚେତନ କରାଇ ଥିଲେ। ସେବାଶ୍ରୀ ସଂଗଠନର ଅଧ୍ୟକ୍ଷ ତାରୀଣି ପ୍ରସାଦ ମହାପାତ୍ର , ଉପାଧ୍ୟକ୍ଷ ଡଃ ବିକାଶ କୁମାର ପ୍ରସାଦ, ସଚିବ ତୁଷାରକାନ୍ତ ସିଂହ, ବରିଷ୍ଠ ସାମ୍ବାଦିକ ସମରେନ୍ଦ୍ର ରାଉତ, ରଶ୍ମୀକାନ୍ତ ପଟ୍ଟନାୟକ, ସୁବାଶିଷ ଜେନା, ସଂଜୀବ କୁମାର ଲାଲା, ବିଜୟ ବେହେରା, ତ୍ରିନାଥ ମଲ୍ଲିକ, ଶ୍ୟାମ ପ୍ରସାଦ ଦତ୍ତ, ଶ୍ରୀରାମକୃଷ୍ଣ ରାୟ ଓ ଧବଳେଶ୍ୱର ବିଟ୍ ହାଉସ ଅଧିକାରୀ ପ୍ରଦୀପ କୁମାର ସେଠୀ ପ୍ରମୁଖ ସଫେଇ କାର୍ଯ୍ୟକ୍ରମରେ ନିଜକୁ ସଂଶ୍ଲିଷ୍ଟ କରିଥିଲେ।
Comments are closed.