ନୂଆଦିଲ୍ଲୀ: ଏଣିକି ଆଉ ସାଙ୍ଗରେ ଡ୍ରାଇଭିଂ ଲାଇସେନ୍ସ(ଡିଏଲ୍) କିମ୍ବା ଗାଡ଼ିର କାଗଜପତ୍ର(ଆରସି) ନେବା ଆବଶ୍ୟକ ନାହିଁ। ଏଣିକି ଡିଜିଲକର ଏହି କାମ କରିବ। ଏମ୍ପରିବହନ ନାମରେ ଆରମ୍ଭ ହୋଇଥିବା ଏକ ଆପ୍ ଜରିଆରେ ଡିଜିଲକର କାମ କରିବ ଏବଂ ଚାଳକଙ୍କ ଡିଏଲ୍ ଓ ଗାଡ଼ିର ମାଲିକାନା ସମ୍ପର୍କରେ ସୂଚନା ଦେବ। ସଡ଼କ ପରିବହନ ମନ୍ତ୍ରାଳୟ ଏ ସଂକ୍ରାନ୍ତୀୟ ପ୍ରକ୍ର୍ରିୟାକୁ ଅନୁମୋଦନ କରିଛନ୍ତି। ଆଇଟି ଆଇନ ୨୦୦୦ ଅଧୀନରେ ଏହି କାର୍ଡକୁ ସ୍ୱୀକୃତ କରାଯାଇଥିବା ବେଳେ ମୋଟର ଭେହିକିଲ୍ ଆଇନ୍ ୧୯୮୮ ଅଧୀନରେ ଏହାକୁ ବୈଧ କରାଯାଇଛି।
ଡିଜିଲକରକୁ ବିକଳ୍ପ ଡିଏଲ୍ ଓ ଗାଡ଼ିର ମାଲିକାନାପତ୍ରର ବିକଳ୍ପ ଭାବରେ ତତ୍କାଳ ଗ୍ରହଣ କରିବାକୁ ମନ୍ତ୍ରାଳୟ ନିର୍ଦେଶନାମା ଜାରି କରିଛନ୍ତି। ନିର୍ଦେଶନାମାର ନକଲ ସବୁ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ମୁଖ୍ୟ ଶାସନ ସଚିବ, ପରିବହନ ସଚିବ, ପୁଲିସ ମହାନିର୍ଦେଶକ ଓ ଟ୍ରାଫିକ ଏଡିଜି ଓ ପରିବହନ କମିଶନରଙ୍କୁ ଦିଆଯାଇଛି।
ଡିଜିଲକରରେ ଲୋକମାନେ ସେମାନଙ୍କ ଡିଏଲ୍, ବୀମା ଓ ଆରସିର ଡିଜିଟାଲ୍ ନକଲକୁ ଅପ୍ଲୋଡ୍ କରି ସୁରକ୍ଷିତ ରଖିପାରିବେ। ଏଥିପାଇଁ ଗ୍ରାହକଙ୍କୁ ଏକ କୋଡ୍ ଓ ପାସ୍ୱାର୍ଡ ଦିଆଯିବ। ଆବଶ୍ୟକ ସ୍ଥଳରେ ଏହି ପାସ୍ୱାର୍ଡ ବ୍ୟବହାର କରି ଡିଜିଲକରରୁ ତଥ୍ୟକୁ ବିଭିନ୍ନ ବିଭାଗୀୟ ଅଧିକାରୀଙ୍କ ନିକଟରେ ଦାଖଲ କରାଯାଇପାରିବ। ଏହି ବ୍ୟବସ୍ଥା ସିବିଏସ୍ଇ, ବ୍ୟାଙ୍କ ଓ କେତେକ ଘରୋଇ ଡାକ୍ତରଖାନା ସମେତ ଅନ୍ୟାନ୍ୟ କ୍ଷେତ୍ରରେ କାର୍ଯ୍ୟକାରୀ ହୋଇଥିବା ବେଳେ ମୋଟର ପରିବହନ କ୍ଷେତ୍ରରେ କାର୍ଯ୍ୟକାରୀ କରିବା ପାଇଁ ଦାବି ହୋଇ ଆସୁଥିଲା।
ଡିଏଲ୍ ଓ ଆରସିର ବିକଳ୍ପ ଡିଜିଲକର
Popular Categories
Previous article
Next article