ନୂଆଦିଲ୍ଲୀ : ଦିଲ୍ଲୀ ବିଧାନସଭା ନିର୍ବାଚନରେ ବିଜେପିର ବିପୁଳ ବିଜୟ ପରେ ସରକାର ଗଠନ ନେଇ ରଣନୀତି ଆରମ୍ଭ ହୋଇଛି। ରଣନୀତିରେ ବିଦାୟୀ ଆପ୍ ସରକାରର କଳା କାରନାମାକୁ ପଦାରେ ପକାଇବା ଲାଗି ଦିଲ୍ଲୀ ସଚିବାଳୟକୁ ସିଲ୍ କରି ଦିଆଯାଇଛି। ଦିଲ୍ଲୀ ସରକାରଙ୍କ ଯୁଗ୍ମ ସଚିବ ପ୍ରଦୀପ ଦୟାଲ ଜାରି କରିଥିବା ନିର୍ଦେଶ ଅନୁଯାୟୀ ସଚିବାଳୟର କୌଣସି ଫାଇଲ ସ୍ଥାନାନ୍ତର କରାଯାଇପାରିବ ନାହିଁ। ଆପ୍ର ପରାଜୟ ପରେ ସରକାର ଦିଲ୍ଲୀ ସଚିବାଳୟରୁ ଗୁରୁତ୍ବପୂର୍ଣ୍ଣ ଫାଇଲ ନେଇଯିବାର ଆଶଙ୍କା ରହିଥିବାରୁ ଏପରି ପଦକ୍ଷେପ ନିଆଯାଇଛି। କାରଣ ବିଦାୟୀ ଆପ୍ ସରକାର ବିଭିନ୍ନ ପ୍ରକାର ଦୁର୍ନୀତିରେ ଲିପ୍ତ ଥିବା ନେଇ ବିଜେପି ପକ୍ଷରୁ ଅଭିଯୋଗ କରାଯାଇ ଆସୁଥିଲା। ସାଧାରଣ ପ୍ରଶାସନ ବିଭାଗର ଅନୁମତି ବିନା କୌଣସି ଫାଇଲ ସ୍ଥାନାନ୍ତର ହୋଇପାରିବ ନାହିଁ। ଏ ସମ୍ପର୍କରେ ସଚିବାଳୟର ସମସ୍ତ ବିଭାଗ ମୁଖ୍ୟଙ୍କୁ ମଧ୍ୟ ନିର୍ଦେଶ ଦିଆଯାଇଛି। ଦିଲ୍ଲୀ ସରକାର କହିଛନ୍ତି ସଚିବାଳୟରେ କାର୍ଯ୍ୟ ପୂର୍ବପରି ଚାଲିଛି।
Comments are closed.