ନୂଆଦିଲ୍ଲୀ : କାଲକାଜୀ ମନ୍ଦିର ଜାଗରଣ ଷ୍ଟେଜ୍ ଭୁଷୁଡିବା ଘଟଣାରେ ଜଣେ ମହିଳାଙ୍କ ମୃତ୍ୟୁ ହୋଇଛି । କାଲକାଜୀ ମନ୍ଦିରରେ ଜାଗରଣ ଅବସରରେ ଷ୍ଟେଜ୍ ଭୁଷୁଡିବା ଫଳରେ ୧୭ ଜଣ ଆହତ ହୋଇ ଚିକିତ୍ସିତ ହେଉଥିଲେ । ସେମାନଙ୍କ ମଧ୍ୟରୁ ହସ୍ପିଟାଲରେ ଜଣେ ମହିଳାଙ୍କ ମୃତ୍ୟୁ ଘଟିଛି । ରାତି ପ୍ରାୟ ୧୨ଟାରେ ଘଟିଛି ଏହି ଅଘଟଣ ।
ସାଧାରଣତନ୍ତ୍ର ଦିବସ ଅବସରରେ କାଲକାଜୀ ମନ୍ଦିରରେ ମାତାଙ୍କ ଜାଗରଣର ଆୟୋଜନ କରାଯାଇଥିଲା । ଏଥିରେ ରାତି ପ୍ରାୟ ସାଢେ ୧୨ଟା ସମୟରେ ୧୫୦୦ରୁ ୧୬୦୦ ଲୋକଙ୍କ ଭିଡ ଏକାଠି ହୋଇଥିଲା । ଏହି ସମୟରେ ଲୋକମାନେ ଭିଆଇପିଙ୍କ ପରିବାର ବସିବା ପାଇଁ ପ୍ରସ୍ତୁତ ହୋଇଥିବା ମଞ୍ଚ ଉପରକୁ ଉଠିଗଲେ । ଏହା ପରେ ମଞ୍ଚ ଭୁଷୁଡିପଡିଲା । ଫଳରେ ମଞ୍ଚ ତଳେ ବସିଥିବା ୧୭ ଜଣ ଆହତ ହୋଇଥିଲେ । ଆହତଙ୍କ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ତେବେ ସେମାନଙ୍କ ମଧ୍ୟରୁ ଗତକାଲି ରାତିରେ ହସ୍ପିଟାଲରେ ଚିକିତ୍ସିତ ଅବସ୍ଥାରେ ଜଣେ ୪୫ ବର୍ଷୀୟ ମହିଳାଙ୍କ ମୃତ୍ୟୁ ଘଟିଛି ।
Comments are closed.