ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କୃଷକଙ୍କ ଆନ୍ଦୋଳନ ତୀବ୍ର ହେବାରେ ଲାଗିଛି। ଚାଷୀ ଆନ୍ଦୋଳନ ଯୋଗୁଁ ହରିୟାଣାରେ ଆଉ ଦୁଇ ଦିନ ଇଣ୍ଟରନେଟ୍ ସେବା ବନ୍ଦ ରହିବ ବୋଲି କୁହାଯାଇଛି। ହରିୟାଣା ସରକାର ଫେବୃଆରୀ ୧୫ ତାରିଖ ପର୍ଯ୍ୟନ୍ତ ଇଣ୍ଟରନେଟ୍ ସେବା ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। ମୁଖ୍ୟତଃ ଅମ୍ବାଲା, କୁରୁକ୍ଷେତ୍ର , ହିସାର , ଫତେହାବାଦ ଏବଂ ଡାବବାଲୀରେ ଇଣ୍ଟରନେଟ୍ ସେବା ବନ୍ଦ ରହିବ । ସେହିପରି ରାଜସ୍ଥାନର ୩ ଜିଲ୍ଲା ଶ୍ରୀଗଙ୍ଗାନଗର , ଅନୁପଗଡ ଓ ହନୁମାନଗଡରେ ମଧ୍ୟ ଇଣ୍ଟରନେଟ୍ ସେବା ବନ୍ଦ ରହିଛି। ୧୫ଟି ଜିଲ୍ଳାରେ ୧୪୪ ଧାରା ଜାରି ରହିଛି। ସେପଟେ ପଞ୍ଜାବର ଫତେଗଡ ସାହିବରୁ ଶମ୍ଭୁ ସୀମା ଯାଏଁ ଶତାଧିକ ଚାଷୀଙ୍କ ଆନ୍ଦୋଳନ ଜାରି ରହିଛି। ଶମ୍ଭୁ ବର୍ଡରରେ ପୁଲିସ- ଏବଂ ଚାଷୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ଉପୁଜିଥିବା ଦେଖିବାକୁ ମିଳିଛି। ଏହାକୁ ଦୃଷ୍ଟିରେ ରଖି ଦିଲ୍ଲୀ ଟ୍ରାଫିକ୍ ପୁଲିସ ଟ୍ରାଫିକ୍ ଆଡଭାଇଜରୀ ଜାରି କରିଛି। ନୂଆ ଆଡଭାଇଜରୀ ଅନୁଯାୟୀ ଟିକରି ସୀମାର ଏକ କିଲୋମିଟର ଅଞ୍ଚଳକୁ ସିଲ୍ କରାଯାଇଛି।
Popular Categories
Previous article
Next article