ଭୁବନେଶ୍ଵର: ବାଣୀବିହାର ରେଳ ଷ୍ଟେସନ ନିକଟ ରେଳଧାରଣା ପାଖରୁ ଏକ ମୃତଦେହ ଜବତ ହୋଇଛି। ମୃତଦେହର ଅନେକ ସ୍ଥାନରେ କ୍ଷତିଚିହ୍ନ ରହିଥିବା ଦେଖିବାକୁ ମିଳିଛି। ଖବରପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ କରୁଛି।
ସୂଚନା ଅନୁସାରେ, ରେଳ ଧାରଣା ପାଖରେ ଏକ ମୃତଦେହ ପଡ଼ିଥିବା ନେଇ ସ୍ଥାନୀୟ ଲୋକେ ଦେଖିଥିଲେ। ଏହା ପରେ ସେମାନେ ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ମୃତଦେହ ଜବତ କରିବା ସହିତ ବ୍ୟବଚ୍ଛେଦ ପାଇଁ ପଠାଇଛି। ମୃତକଙ୍କ ପରିଚୟ ମିଳିପାରି ନାହିଁ। ମୃତଦେହରେ ଅନେକ କ୍ଷତଚିହ୍ନ ଥିବାରୁ ସନ୍ଦେହ ସୃଷ୍ଟି ହୋଇଛି।
