ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଅନେକ ସମୟରେ ଭିନ୍ନ ଭିନ୍ନ ଭିଡିଓ ଭାଇରାଲ ହୋଇଥାଏ । ଏବେ ଏମିତି ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଏକ ଟ୍ରେନ୍ ନଜର ଆସୁଛି । ତେବେ ଟ୍ରେନଟି ପ୍ରକୃତ ଟ୍ରେନ୍ ନୁହେଁ । ଇନଷ୍ଟାଗ୍ରାମରେ ଭାଇରାଲ ହେଉଥିବା ଏହି ଭିଡିଓକୁ ୪ ଲକ୍ଷରୁ ଅଧିକ ଭ୍ୟୁଜ୍ ମିଳିସାରିଛି ।
View this post on Instagram
ଭିଡିଓରେ ଏକ ଓଭରବ୍ରିଜ୍ ନଜର ଆସୁଛି । ଦେଶରେ ଓଭରବ୍ରିଜ୍ ଏକ ସାଧାରଣ କଥା । କିନ୍ତୁ ଏହି ଓଭରବ୍ରିଜରେ ଚିତ୍ର ଅଙ୍କାଯାଇଛି ଯାହା କି ଏହାକୁ ଭିନ୍ନ କରୁଛି । ବ୍ରିଜର ନିମ୍ନ ଭାଗରେ ସବୁଜ ରଙ୍ଗରେ ଏଭଳି ରଙ୍ଗ ଅଙ୍କାଯାଇଛି ଯାହା ଟ୍ରେନରେ ଥାଏ । ଟ୍ରେନର ଝରକା ଭଳି ମଧ୍ୟ ଏଥିରେ ଅଙ୍କାଯାଉଛି ଏବଂ ଯାତ୍ରୀ ବସିଥିବା ଭଳି ଦେଖିବାକୁ ମିଳୁଛି । ସହଜ ଭାଷାରେ କହିଲେ ଏକ ଓଭରବ୍ରିଜକୁ କଳାକୃତି ମାଧ୍ୟମରେ ଏକ ଟ୍ରେନର ରୂପ ଦିଆଯାଇଛି । ଭିଡିଓଟି ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ସମସ୍ତେ ଏହାକୁ ପସନ୍ଦ କରିବା ସହ ସେୟାର କରୁଛନ୍ତି ।
Comments are closed.