ସମାଜ ଡିଜିଟାଲ ଡେସ୍କ: ଯାଜପୁର ଜିଲାରେ କାର୍ଯ୍ୟରତ ଜଣେ ମୃତ୍ତିକା ସଂରକ୍ଷଣ ଅଧିକାରୀ (ଏସସିଓ)ଙ୍କ ସନ୍ଦେହଜନକ ଅବସ୍ଥାରେ ମୃତ୍ୟୁ ଘଟିଛି। ତାଙ୍କ ନାମ ହେଉଛି ସୁରେଶ ମଲ୍ଲିକ। ଟାଉନ ଥାନା ପୁଲିସ ମୃତ୍ତିକା ସଂରକ୍ଷଣ ଉପନିର୍ଦେଶକଙ୍କ କାର୍ଯ୍ୟାଳୟ ପରିସରରୁ ସୁରେଶଙ୍କ ମୃତଦେହକୁ ଝୁଲନ୍ତା ଅବସ୍ଥାରେ ଜବତ କରିବା ସହିତ ଘଟଣାର ଖୋଳତାଡ଼ ଆରମ୍ଭ କରିଛି। ମୃତ୍ୟୁର କାରଣ ଜଣାପଡ଼ି ନ ଥିବାବେଳେ ସୁରେଶ ଆତ୍ମହତ୍ୟା କରିଛନ୍ତି କି ତାଙ୍କୁ ହତ୍ୟା କରାଯାଇଛି ତାହା ବି ସ୍ପଷ୍ଟ ହୋଇନାହିଁ। ପୁଲିସ ସମସ୍ତ ଦିଗକୁ ଦୃଷ୍ଟିରେ ରଖି ତଦନ୍ତ ଚଳାଇଛି। ସୁରେଶଙ୍କ ଘର କେନ୍ଦ୍ରାପଡ଼ା ଜିଲାର ଅବଦଲପୁରରେ। ସେ ଯାଜପୁର ଜିଲାରେ ନିଯୁକ୍ତି ପାଇଥିବାବେଳେ ବରୀ ବ୍ଲକ ଦାୟିତ୍ଵରେ ଥିଲେ ବୋଲି ସୂଚନା ମିଳିଛି।
Popular Categories
Previous article
Next article