ଅନୁଗୁଳ: ଶିଶୁ ମୃତଦେହରୁ ଆଖି ତାଡ଼ି ନେବା ଥିବା ଅଭିଯୋଗ ହୋଇଛି। ବନରପାଳ ବ୍ଲକ ଅନ୍ତର୍ଗତ ନୂଆହତା ଗ୍ରାମର ଅଞ୍ଜନ ଗୋଛାୟତଙ୍କ ଚାରି ବର୍ଷର ଝିଅ ପ୍ରୀତି ଗତ ଗୁରୁବାର ରାତିରେ ହଠାତ୍ ଅସୁସ୍ଥ ହୋଇପଡିଥିଲା। ତାଙ୍କୁ ନିକଟସ୍ଥ ଘରୋଇ ଡାକ୍ତରଖାନାକୁ ନେଇଥିଲେ। ଡାକ୍ତର ତାଙ୍କୁ ମୃତ ଘୋଷଣା କରିବା ପରେ ପରିବାର ଲୋକେ ସେଠାରୁ ଜିଲା ମୁଖ୍ୟ ଚିକିତ୍ସାଳକୁ ନେଇଥିଲେ। ଜିଲା ମୁଖ୍ୟ ଚିକିତ୍ସାଳୟରେ ମଧ୍ୟ ଡାକ୍ତର ତାକୁ ମୃତ ଘୋଷଣା କରିଥିଲେ। ପରିବାର ଲୋକ ମୃତଦେହ ନେଇଯିବା ପାଇଁ କହିବାରୁ ଡାକ୍ତରଖାନା କର୍ତ୍ତୃପକ୍ଷ ଛାଡି ନଥିଲେ। ଏହା ପରେ ପୁଲିସକୁ ଖବର ଦେଇ ମୃତଦେହକୁ ଶବାଗାରରେ ରଖାଯାଇଥିଲା। ଶୁକ୍ରବାର ଅର୍ଥାତ୍ ଆଜି ସକାଳେ ବନରପାଳ ପୁଲିସ ପରିବାର ଲୋକଙ୍କ ସମ୍ମୁଖରେ ବ୍ୟବଚ୍ଛେଦ ପାଇଁ ଆଣିଲା ପରେ ମୃତ ପ୍ରୀତିଙ୍କର ଆଖି ଦୁଇଟି ନଥିବା ପରିବାର ଲୋକ ଅଭିଯୋଗ କରିଛନ୍ତି। ଏହାକୁ ଡାକ୍ତରଖାନାରେ ଉତ୍ତେଜନା ଜାରି ରହିଛି। ଏପର୍ଯ୍ୟନ୍ତ ମୃତଦେହ ବ୍ୟବଚ୍ଛେଦ ହୋଇପାରିନାହିଁ।
Popular Categories
Previous article
Next article