ଅନୁଗୁଳ : ପାଲଲହଡ଼ା ଥାନା ଅନ୍ତର୍ଗତ ବତିସୁଆଁ ପଞ୍ଚାୟତ ସୋଲଡ଼ା ଗ୍ରାମର ଜଣେ ବିଧବା ମହିଳାଙ୍କୁ ନିର୍ମମ ଭାବେ ହତ୍ୟା କରାଯାଇଛି। ମୃତ ମହିଳା ହେଲେ ଗୁବେଇ କୁଂକାଲ (୩୬) । ମହିଳାଙ୍କୁ ସେହି ଗ୍ରାମର ସୁକୁଦାର ସୋରେନ (୪୫)ଏକ ଟାଙ୍ଗିଆରେ ହାଣି ହତ୍ୟା କରିଥିବା ଜଣାପଡ଼ିଛି। ପୁଲିସ ଠାରୁ ମିଳିଥିବା ସୂଚନା ଅନୁଯାୟୀ, ଗୁବେଇ ଶୁକ୍ରବାର ସନ୍ଧ୍ୟାରେ ନିଜ ଘର ସମ୍ମୁଖରେ ବସିଥିବା ବେଳେ ସୁକୁଦାର ତାଙ୍କୁ ଆକ୍ରମଣ କରିଥିଲା। ମହିଳାଙ୍କ ବେକ ଓ ମୁଣ୍ଡରେ ଗଭୀର ଆଘାତ ଲାଗିଥିବା ଜଣାପଡ଼ିଛି। ମହିଳାଙ୍କୁ ହତ୍ୟା ପରେ ମୃତଦେହକୁ ଗାତ ଖୋଳି ପୋତି ଦେବାକୁ ଉଦ୍ୟମ କରି ବିଫଳ ହୋଇ ସୁକୁଦାର ଫେରାର ହୋଇଯାଇଥିଲା। ଏହାପରେ ପାଲଲହଡ଼ା ଥାନା ଏସଆଇ ଆଶିଷ କୁମାର ଦାସ କିଛି ସ୍ଥାନୀୟ ଯୁବକଙ୍କ ସହାୟତାରେ ଅଭିଯୁକ୍ତକୁ ଗାଁ ପାଖ ଜଙ୍ଗଲରୁ ଗିରଫ କରିଥିଲେ। ଏହାସହ ହତ୍ୟାକାଣ୍ଡରେ ବ୍ୟବହାର ହୋଇଥିବା ଟାଙ୍ଗିଆକୁ ଜବତ କରିବା ସହ ପୁଲିସ ଘଟଣାର ଅଧିକ ତଦନ୍ତ ଜାରି ରଖିଛି। ତଦନ୍ତ ପରେ ହତ୍ୟାକାଣ୍ଡର ପ୍ରକୃତ କାରଣ ଜଣାପଡ଼ିବ ବୋଲି ପୁଲିସ କହିଛି।
Popular Categories
Previous article
Next article