ବୋହୂର ପରକିୟାପ୍ରିତୀ ବଖାଣିଲେ ପୁଲିସ ଅଧିକାରୀଙ୍କ ମା’

କଟକ: ଅନୁଗୋଳ ଜିଲାରେ କାର୍ଯ୍ୟରତ ଜଣେ ପୁଲିସ ଅଧିକାରୀଙ୍କ ବିରୋଧରେ ପତ୍ନୀ ଆଣିଥିବା ଅଭିଯୋଗକୁ ପୁଲିସ ଅଧିକାରୀଙ୍କ ମା’ ଖଣ୍ଡନ କରିଛନ୍ତି।ପୁଲିସ ଅଧିକାରୀ ଅଶ୍ୱିନୀ କୁମାର ସାହୁଙ୍କ ମା’ ଧୀରବାଳା ସାହୁ ତାଙ୍କ ବୋହୁ ମମତା ସାହୁଙ୍କ ବିରୋଧରେ ପାଲଟା ପରକିୟାପ୍ରିତୀ ଏବଂ ନିର୍ଯାତନା ଭଳି ଗୁରୁତର ଅଭିଯୋଗ ଆଣିଛନ୍ତି। ବୋହୂଙ୍କ ଚରିତ୍ର ଓ ନିର୍ଯାତନାକୁ ନେଇ ଶାଶୁ ତଥା ଅଶ୍ୱିନୀଙ୍କ ମା ଧୀରବାଳା ଗଣମାଧ୍ୟମଙ୍କ ଆଗରେ ଅଭିଯୋଗ କରିଛନ୍ତି।

ଅଭିଯୋଗ ଦର୍ଶାଯାଇଛି ଯେ, ୨୦୦୪ରେ ଅଶ୍ୱିନୀ ଡେଙ୍କାନାଳ ଜିଲା ଭୁବନର ଖଗେଶ୍ୱର ସାହୁଙ୍କ ଝିଅ ମମତାଙ୍କୁ ବିବାହ କରିଥିଲେ। ବିବାହ ପରେ ବୋହୂ ମମତା ତାଙ୍କୁ, ଦିଅର ବିଜୟ କୁମାର ସାହୁ, ଅଶ୍ୱିନୀଙ୍କୁ ଅଧିକାଂଶ ସମୟରେ ଅଶ୍ରାଭ୍ୟ ଭାଷାରେ ଗାଳିଗୁଲଜ କରୁଥିଲେ। ଘରର ଜିନିଷପତ୍ର ଫୋପଡ଼ା ଫିଙ୍ଗା କରୁଥିଲେ। ଅଶ୍ୱିନୀ ଯାଜପୁର ଜିଲା ବାଲିଚନ୍ଦ୍ରପୁର ଥାନାରେ ଥିବା ବେଳେ ସେ ଦୁର୍ବୃତ୍ତଙ୍କ ଗୁଳି ମାଡର ଶିକାର ହୋଇଥିଲେ। ସେ ବଡ଼ ଡାକ୍ତରଖାନାରେ ଚିକିତ୍ସିତ ହେଉଥିଲା ବେଳେ ପତ୍ନୀ ମମତା ଦିନେହେଲେ ତାଙ୍କୁ ଭେଟିବାକୁ ଆସିନଥିଲେ। ଅଶ୍ୱିନୀ ଯାଜପୁର ରୋଡ ଥାନାରୁ ଗଞ୍ଜାମ ଜିଲାର ଭଞ୍ଜନଗର ଥାନାକୁ ବଦଳି ହୋଇଗଲା ପରେ ସେଠାକୁ ମମତା ନଯାଇ ଯାଜପୁର ରୋଡ ସରକାରୀ ବାସଭବନରେ ଜିଦକରି ରହିଥିଲେ।

ଅଶ୍ୱିନୀଙ୍କର ଭଞ୍ଜନଗରକୁ ବଦଳି ହେବା ପରେ ବାହାରେ ଦୀର୍ଘ ବର୍ଷ ରହିବା ସୁଯୋଗରେ ମମତାଙ୍କର ଜଣେ ଯୁବ ଇଞ୍ଜିନୟରଙ୍କ ସହିତ ସମ୍ପର୍କ ଗଢି ଉଠିଲା। ଇଞ୍ଜିନିୟର ଜଣକ ସରକାରୀ ବାସଭବନକୁ ଯିବା ଆସିବା କରୁଥିଲେ। ଭଞ୍ଜନଗରରୁ ଅଶ୍ୱିନୀ ଏସଡିପିଓ ହୋଇ ଅନୁଗୁଳକୁ ବଦଳି ହେଲା ପରେ ମମତା ତାଙ୍କ ପାଖକୁ ନଯାଇ ଭୁବନେଶ୍ୱର ଶୈଳଶ୍ରୀ ବିହାର ଭଡାଘରେ ରହିଲେ। ମମତାଙ୍କର ଏତାଦୃଶ ପରକିୟାପ୍ରିତୀ ଏବଂ ମା’ ଙ୍କୁ ନିର୍ଯାତନାର ଅତିଷ୍ଠ ହୋଇ ଅଶ୍ୱିନୀର କଟକ ପାରିବାରିକ ଅଦାଲତରେ ୨୦୧୯ରେ ଛାଡପତ୍ର ମାମଲା ଦାୟର କରିଛନ୍ତି। ଯାହା ଏବେ ବିଚାରଧୀନ ଅଛି।

Comments are closed.